(Díli), Farol 06/10/2026: Asosiasaun Jornalista Timor-Leste (AJTL), hamutuk ho Lao Hamutuk, hala’o media briefing ba jornalista na’in 26 husi media oin-oin iha Timor-Leste, ho objetivu atu hadi’a kompriensaun jornalista sira bainhira halo kobertura no husu informasaun kona-ba Orsamentu Jerál do Estadu (OJE) 2027.
Media sira ne’ebé partisipa inklui Timor Post, Televizaun Edukasaun Timor (TVE), Media One Timor, Lafaek News, Zews News, Independente, Rádio Liberdade, SMS News no Media Mudansa.
Iha atividade ne’e, jornalista sira hetan orientasaun kona-ba oinsá atu akompaña prosesu OJE 2027, liu-liu bainhira tun ba terenu atu verifika programa no projetu sira ne’ebé Governu planeia no oinsá orsamentu públiku sei uza.
Representante AJTL, Joaquim, hatete katak kontrolu sosial importante tebes iha prosesu akompañamentu Orsamentu Jerál do Estadu 2027, tanba sosiedade presiza hatene no komprende oinsá osan públiku sei uza ba programa no projetu dezenvolvimentu.
“Orsamentu ne’ebé Parlamentu aprova sei presiza akompañamentu durante ezekusaun. Sosiedade sivil tenke hatene no halo kontrolu liuhosi informasaun no partisipasaun, hodi bele kontribui ba dezenvolvimentu nasional Timor-Leste,” Representante AJTL Joaquim De Fatima Coutoniho iha farol 06/10/2026.
Nia mós hateten katak kontrolu sosial la’ós responsabilidade instituisaun públika de’it, maibé mós envolve sosiedade sivil no sidadaun sira atu kontinua haree no monitoriza implementasaun orsamentu durante tinan fiskál.
Iha kontestu ne’e, sosiedade sivil bele kontribui liuhosi partisipasaun, fornesimentu informasaun no diálogu públiku, atu haree se programa no projetu sira implementa tuir planu no responde ba nesesidade komunidade.
Media briefing mós fó énfase ba papel jornalista sira atu lori informasaun kona-ba orsamentu ba públiku ho maneira klaru, asesível no bazeia ba dadus, liu-liu bainhira OJE 2027 tama iha prosesu diskusaun no aprovasaun iha Parlamentu Nasional.
Aleinde ne’e, era dijitál mós konsidera importante iha prosesu monitorizasaun plataforma dijitál no asesu ba informasaun públika bele ajuda sidadaun sira atu komprende no akompaña dezenvolvimentu orsamentu estadu.
Iha fatin hanesan, peskizadór Marta da Silva, esplika katak kona-ba diskusaun iha Parlamentu ne’ebé relasiona ho situasaun no akontesimentu iha tinan 2020.
Diskusaun ne’e mós envolve konsiderasaun kona-ba responsabilidade no faktór sira ne’ebé kontribui ba situasaun ne’ebá naran Luis mós temi iha diskusaun nu’udar parte hosi konteúdu ne’ebé koalia kona-ba kazu refere.
Peskizadór Marta hatete katak Parlamentu kontinua haree fila-fali faktu sira hosi períodu 2020 atu kompriende konteksu no impaktu hosi situasaun ne’ebé diskute.
Detallu kona-ba papel no responsabilidade parte ida-idak, tuir diskusaun ne’e, sei depende ba deklarasaun no informasaun ofisiál ne’ebé disponivel.
Media briefing ne’e sai espasu ida atu prepara jornalista sira ho kompriensaun no pergunta sira ne’ebé relevante, hodi bele halo kobertura kona-ba OJE 2027 ho informasaun ne’ebé klaru no útil ba públiku.
Ekipa: Media Mudansa
