Introdusaun

            MMDT Média Mudansa harii nu’udar empreza lokál iha loron 02 fulan Juñu tinan 2022. Hamriik hodi halo investimentu komersiál iha Area komunikasaun sosiál, Multimédia no Tenknolojia iha Timor-Leste. Iha area komunikasaun MMDT Média Mudansa estabelese ona orgaun komuniksaun ka média Online. Iha area Multi-Média, MMDT Média Mudansa estabelese iha produsaun Audio Vizual hodi oferese servisu ida ne’e  kualidade no signifikativu ba sosiedade Timor-Leste. Iha Area teknolojia, MMDT Média Mudansa esforsu hodi estabelese ona sistema dijitalizasaun hodi fasilita servisu administrasaun iha rai laran.

           MMDT Média Mudansa hamriik tanba indentifika lakunas ka problema ne’ebé fó impaktu negativu ba sosiedade. Lakunas sira mak hanesan tuir mai ne’e, ba dahuluk MMDT Média Mudansa nota katak, Instituisaun Média iha Timor-Leste laran tomak maioria fóku liu ba setór politiku konsekuentemente mentaliza tiha sosiedade ho ambiente polítika rezulta sosiedade lakon metalidade iha setór importante sira seluk liuliu setór Ekonomia. Ba daruak MMDT Média Mudansa deskobre mós katak iha Instituisaun governu no privadu barak mak seidauk aprovieta utilizasaun teknolojia iha Timor-Leste ho di’ak no efetivu rezulta hamósu birokrasia ne’ebé difikulta ba sidadaun sira hotu partisipa ba dezenvolvimentu nasaun doben ne’e nian. Ikus, MMDT observa mós katak, publikasaun no vizibilidade ba eventu no serimoniál governu, instituisaun governu ka privadu, Ajensia, NGO nasionál no internasionál sei iha dezefiu bo’ot nia laran.

Ho lakunas hirak ne’ebé mesiona iha letan MMDT Media Mudansa konsidera hanesan oportunidade atu priense ho aktividade potensiál sira mak hanesan, fornese produtu jornalistiku liuhosi publikasaun notisia iha plataforma Media online. Fórnese produsaun live streaming ho multi-kamera no produsaun audio vizual hodi garante asesibilidade no visibilidade ba eventu importante sira no  fórnese sistema teknolojiku avansadu sira hosi ajuda servisu administrasaun iha Timor-Leste. Hosi aktividade hirak ne’e MMDT fiar katak liuhosi servisu hirak ne’ebé oferese no garante valor sosiál mós bele sai negosiu ida hodi bele hetan rendimentu, no iha tempu hanesan bele kontribui ona ba kresimentu ekonómiku nasaun nian.

Vizaun, Misaun, no Objetivu

 Vizaun:

Haforsa ekonomia-sosial Timor-Leste ho Multi-Media, Média no teknolojia.

Misaun:

1. Etabelese no dezenvolve plataforma mais teknolojiku hodi kontribui ba ekonómiku-sosial iha Timor-Leste.
2. Estabelese media advokasia ba asuntu ekonomia sosial hodi garante sustentabilidade iha Timor-Leste
3. Fornese servisu dijitalizasaun hodi halo fasil sistema administrasaun iha Timor-Leste.

Objetivu:

1. Promove Kresimentu Ekonomiku : Promove diversifikasaun ekonomiku liuhosi servisu multimédia inovativa no teknolójia modernu.
2. Promove dijitalizasaun no teknolojia: Estimula inovasaun iha Timor-Leste liuhosi fórnese platafórma Media hodi sira bele espresa progresu sira ne’ebé halo ona hodi kontibui ba dezenvolvimentu nasaun nian.

Valór

Inovativu, Inspirativu no Mudansa pozitivu.

Lema

Hametin sosiedade ho Informasaun no teknolojia