(Ainaro), Maubisse, 26/10/2026 – Hametin koñesimentu kona-ba lei no hadi’a kualidade servisu públiku ba komunidade sai nu’udar objetivu prinsipál husi atividade dizeminasaun Lei Suku N.º 9/2016, fulan Jullu, ne’ebé Konsellu Suku Horai-Quic organiza ba membru Konsellu Suku no autoridade lokál sira. Enkuantu Lei ne’e nia objetivu prinsipál mak organiza lideransa komunitária atu bele servisu ba komunidade ho transparénsia, responsabilidade no respeitu ba lei.
Atividade ne’e la’ós de’it atu fó koñesimentu kona-ba lei, maibé mós atu hametin kooperasaun, responsabilidade no koordenasaun entre autoridade lokál sira, atu bele fó atendimentu ne’ebé di’ak liu ba komunidade.
Reprezentante Administrasaun Postu Maubisse Helder de Orleans, iha nia intervensaun subliña katak, dizeminasaun lei ne’e importante tebes atu hametin servisu hamutuk entre autoridade lokál , liuliu iha kumprimentu knaar no responsabilidade iha atendimentu públiku.
“Formasaun no dizeminasaun lei ne’e la’ós atu hanorin malu de’it, maibé atu hametin kooperasaun, responsabilidade no koordenasaun entre autoridade lokál sira,” dehan Administrasaun postu Helder De Orleans iha maubessi foin lalais nee iha posto Maubise,Munisipiu Ainaro.
Nia hatutan,autoridade lokál sira presiza komprende lei ne’e, no kontinua hakbesik ba malu hodi fó orientasaun ba autoridade suku sira kona-ba asuntu komún ne’ebé iha relasaun ho prestasaun servisu públiku. tanba komunidade mak sai prioridade prinsipál iha knaar no responsabilidade públika.
Iha fatin hanesan, Xefe Departamentu Direção non-governamental organization (ONG) fó orientasaun ba delegadu no xefe aldeia sira atu prepara no aprezenta relatóriu kona-ba dadus populasaun iha kada aldeia, inklui informasaun kona-ba ema ne’ebé moris, mate, kaben sai no tama.
”atualiza dadus hirak-ne’e no aprezenta ba autoridade munisipál, atu nune’e informasaun kona-ba populasaun nafatin atual no loos, hodi fasilita prosesu planeamentu no atendimentu ba komunidade” Nia hatutan
Xefe Suku Horai-Quic Marcel Piress, loke ofisialmente atividade ne’e no nia enkoraja membru Konsellu Suku atu fó atensaun máxima ba matéria no orientasaun sira ne’ebé aprezenta, atu bele komprende no aplika iha sira-nia servisu loro-loron.
Nia mós espera katak koñesimentu ne’ebé membru Konsellu Suku sira hetan liuhusi atividade ne’e bele sai kontribuisaun importante ida ba hadi’a servisu no promove dezenvolvimentu komunidade iha futuru.
”Maski atividade ne’e foka ba dizeminasaun lei, sesaun pergunta no resposta sai mós oportunidade ba partisipante sira atu hato’o preokupasaun kona-ba asuntu administrativu lokál, inklui prosesu substituisaun “dehan Xefe Suku
Asuntu ne’e hetan atensaun masimu husi autoriedade lokal suku sira, no komunidade diretamente, liuliu iha prosesu atu determina lideransa foun ba aldeia ida.
Jornalista : Inácio Silva
Editor :Ana Maria da Silva
