(Díli) Mascarenhas-Universidade Díli (UNDIL) realiza semináriu ho tema “Building a Culture of Peace for Future Generation” ba estudante sira kona-ba oinsá atu prepara jerasaun ne’ebé di’ak ba futuru ho atitude ka karakter ne’ebé di’ak nune’e bele moris ho dame no toleransia ba malu.
Dekana Fakuldade Siénsia Saúde, Fitri Kusumasari, hateten, nia apresia ba ekipa heaven world peace (HWPL sigla ingles) husi Korea bele asina Memorandum of Understanding (MoU) ho parte universidade no parte Peace Education hodi bele realiza semináriu ida ne’e.
“Semináriu ida ne’e di’ak tebes tanba ita persiza tebes prepara futuru ba jerasaun, ida ne’e mós bele impaktu ba dezenvolvimentu nasaun tanba ita atu prepara ona nasaun ne’ebé di’ak importante jerasaun ne’ebé iha ita nian ne’e prepara ho di’ak inklui mós sira nia attitude, karakter no hahalok di’ak no la’os de’it kona-ba parte ida ne’e, maibé sira mós presiza prepara lisaun ne’ebé di’ak atu bele apoiu saida mak husi governu aranza tiha ona no foti desizaun antes”, dehan dekana Fitri Kusumasari ba jornalista sira iha Universidade Díli 02/06/2025.
Nune’e dekana ne’e dehan, sira sei nafatin halo kolaborasaun no sei servisu hamutuk ho HWPL sira no sira mós sei aranza tan programa seluk atu bele suporta programa refere tanba HWPL hanesan organijasaun ne’ebé kria kona-ba oinsá bele moris ho dame no sira mós halo promosaun kona-ba moris ho dame, atu kria buat ne’ebé di’ak importante bele moris ho dame.
Iha fatin hanesan reprejentante estudante, Herminio Soares Pereira, hatete, semináriu ne’e ko’alia kona-ba peace education no husi semináriun ida ne’e sir abele aprende oinsá atu hasa’e konsiénsia estudante oinsá atu moris ho toleransia ba malu.
“Semináriu ohin loron ne’e ko’alia kona-ba “peace education” no buat ne’ebé ami aprende liu tan oinsá atu hasa’e konsiénsia estudante sira katak oinsá mak bele tolera ba malu no bele moris iha toleransia ba malu, liu-liu iha diversidade kultura nian, mezmo tempu benefisiu ne’ebé iha sai nafatin konsiénsia estudante sira nian liu-liu atu promove nafatin ita nia patrimoniu kulturál hansan istória naturál iha diversidade kultura nian”, dehan Herminio Soares Pereira
Entretantu iha semináriu ne’e hetan partisipasaun husi reitór, dekanu no dekana fakuldade sira, dosente sira hotu no mós partisipa masimu husi estudante sira.
Jornalista: Rogerio Anuno
Editora: Quisânia Gleide
