(Internasional) – Akontesementu Erupsaun boot ida iha foho Etna (Italia) obriga turista sira halai sai hosi vulkaun iha loron-segunda hafoin gás ho temperatura aas, ahu-ruin no fatuk no nakfera “ho aas kilómetru balun” nakfera iha anin iha sira nia leten, haktuir hosi autoridade italianu sira.
Imagen sira ne’ebé publika iha mídia sosiál hatudu ema sira nia liña naruk ne’ebé tun lalais hosi foho tutun ne’ebe mosu esplozaun enkuantu na’in hosi empreza turístiku ida hatete ba CNN katak “ sira iha ema na’in 40 iha vulkaun Sisília nian bainhira nia nakfera”.
Giuseppe Panfallo, matadalan ida ho Go Etna, filma nia grupu turístiku halibur hamutuk ho kalohan ahu-ruin boot ida husi dook, nia mos haktuir katak
“Ami besik atu hetan du’ut, haree ba kalohan ida-ne’e iha ne’e. Ami dook pasu rua no agradese ba Maromak ami iha matadalan responsável ida ho ami,” nia hatete iha vídeo ne’ebé fahe ho CNN.
“Ida-ne’e to’o dala ida de’it, suar ne’ebé maka’as, lian maka’as, maka’as.”
Besik operadór turístiku sanulu-resin-rua maka serbisu iha Etna iha kualkér tempu, hatete hosi Ajénsia Protesaun Sivíl Sisília nian ba CNN. Turista no trekker sira hotu iha vulkaun bainhira erupsaun evakua ona ho seguru, haktuir hosi Observatóriu Institutu Nasionál Jeofízika no Vulkanolojia nian.
Erupsaun ne’e hotu iha kalan, oras lokál, hatete hosi observatóriu, hodi hatutan katak fluxu lava tolu hotu “agora sai malirin daudaun”. Rahun esporádiku sira hosi ahu-ruin ne’ebé namkari besik vulkaun nia tutun, ho nakdoko ne’ebé tun “ba valór ki’ik sira”, observatóriu ne’e fó sai.
Vulkanu iha illa italianu hanesan destinu turístiku popular ida ne’ebé vizita hosi ema millaun 1,5 iha tinan ida, barak hosi sira ne’e la’o kuaze to’o nia simeira.
Maski foho Etna maka vulkaun ida ne’ebé ativu liu iha mundu, seidauk iha erupsaun ho magnitude hanesan ne’e dezde 2014, tuir observatóriu.
Erupsaun sira-ne’e dalabarak para lalais bainhira sira hahú, observatóriu ne’e hatutan, maski esplozaun sira aumenta nafatin iha intensidade no foho ne’e hasai lava no ahi uitoan de’it.
Agora daudaun, “laiha perigu ba populasaun”, hatete hosi prezidente Rejiaun Sisília nian, Renato Schifani, bainhira nia agradese ba ekipa emerjénsia lokál sira “ba ativasaun imediata hosi protokolu sira monitorizasaun no seguransa nian”.
Nia rekomenda “prekausaun másimu ba ema ne’ebé halo foho-sae” atu “evita área simeira vulkaun nian to’o avizu foun, hodi konsidera evolusaun potensiál hosi fenómenu.”
Fontes :(www.cnn.com)
