(Díli), Kintal bo’ot 12/06/2026– Conselho de Imprensa de Timor-Leste (CITL) remata formasaun intensivu kona-ba “Feature Writing” ba jornalista na’in 19 husi média online,imprime no televisaun husi nasionál no munisípiu, atividade ne’e hala’o durante loron lima husi loron 8 to’o 12 fulan Juñu tinan 2026, iha salaun enkontru Conselho de Imprensa ,kuintal Boot-Dili, programa ne’e taka ho serimónia entrega mos sertifikadu ba partisipante sira.
Iha intervensaun, Prezidente Interina Conselho de Imprensa de Timor-Leste (CITL) hatete, dezenvolvimentu kapasidade jornalista kontinua sai prioridade importante ba instituisaun media sira hodi garante kualidade informasaun ne’ebé transmite ba públiku.
“Objetivu husi formasaun ida ne’e mak atu hasa’e kapasidade no koñesimentu jornalista sira iha área hakerek”feature news”, hodi produz kontéudu jornalístiku ne’ebé profundu, atrativu no sensível ba interese públiku,” hatete Suzana Cardoso iha kintal bo’ot 12/06/2026.
nia hatutan, “feature writing” la’ós de’it kona-ba relata faktu, maibé mos oinsá jornalista bele esplora aspetu umanu, sosial no kultura husi akontesimentu ida, hodi lori Le’e nain sira komprende klean konaba realidade ne’ebé akontese iha komunidade.
”partisipante sira aprende kona-ba prosesu kompletu iha produsaun “feature writing” hahú husi identifikasaun tema no ângulu estória, téknika rekolla informasaun, intervista no, observasaun iha kampu, verifikasaun dadus, to’o estrutura narrativa ne’ebé forte atu atrai atensaun lee nain sira” nia subliña
iha fatun hanesan Formadór anitgo revista Tempo Indonesia Untung Widyanto hatutan, “feature writing”ne’ebé di’ak tenke bazeia ba investigasaun no observasaun klean, la’ós de’it hakerek tuir informasaun sira ne’ebé nia fahe no experiénsia kona-ba oinsá bele transforma dadus no faktu sira sai história ne’ebé moris, relevante no iha valor ba públiku.
“Feature ida di’ak tenke bele lori lee nain sira tama ba iha história, sente realidade ne’ebé fonte sira hasoru no komprende impaktu husi asuntu ne’ebé relata,” hatutan Untung Widyanto.
Enkuantu Conselho Imprensa de Timor-Leste (CITL), konsidera formasaun ne’e hanesan parte ida husi esforsu no kontinua atu fortalese profisionalizmu jornalista sira no promove jornalizmu ne’ebé responsável, independente no orienta ba interese públiku, liu husi kontéudu “feature writing” ne’ebé profundu ho perspetiva umana,ho nune’e média sira bele kontribui liu tan ba edukasaun públika, transparénsia no dezenvolvimentu demokrasia iha Timor-Leste.
Ekipa kobertura
