(DILI), Bairu Pite 25/07/2026 _Komunidade iha Suku Bairro Pite, agora hakat tan espasu foun ida ba era dijitál nian, Sekretáriu Estadu Komunikasaun Sosiál (SECOMS) liu-husi Governu Da-Sia Konstitusionál lansa ofisialmente programa Sentru Informasaun Suku Digital no instalasaun rede internet Starlink iha sede suku Bairo Pite.
Inisiativa ne’e labele de’it transforma dezenvolvimentu teknololojia, maibé mós sai naroman hodi hamenus izolamentu informasaun ne’ebé durante ne’e sai dezafiu iha nivel bazeia, Lansamentu ne’e kria onra no haksolok bo’ot ba autoridade lokál sira, Xefe Suku Bairro Pite, Joaninha Alves Soares, la subar nia agradesimentu no rekoñesimentu ne’ebé aas ba Nona Governu no ekipa SECOMS tomak ba oportunidade ne’ebé suku ne’e simu.
” Presensa SECOMS nian hodi lansa rasik plataforma dijitál no fasilidade lubun seluk, inklui internet Starlink, hatudu kompromisu governu nian hodi hamenus izolamentu informasaun iha nivel baze ami promete katak sei kuida no uza plataforma ne’e ho di’ak ba dezenvolvimentu suku nian,”hatete Xefe Suku Joaninha Alves Soares iha Bairu Pite foin lalais ne’e.
Atu garante katak teknolojia foun ne’e la sai de’it hanesan ekipa tékniku SECOMS mós dedika ona tempu durante semana ida tomak hodi fahe matéria no fó treinamentu krítiku ba pesoál administrasaun, lider komunidade, no mós joven sira. Formasaun ne’e sai xave hodi dudu suku Bairro Pite atu jere rasik sira-nia website ho profasionál, transparente, hodi nune’e dadus sira fasil atu asesu no tún lalais ba komunidade.
Iha fatin hanesan,Sekretáriu Estadu Komunikasaun Sosiál, Expedito Loro Dias Ximenes, mós hato’o agradesimentu ba Xefe Suku hodi rona koperasaun di’ak no Serbisu boot Ida ne’e la la’o mesak, maibé nu’udar rezultadu koperasaun boot entre SECOMS, Ministériu Transportes no Komunikasaun (MTK), no Ministériu Administrasaun Estatál (MAE).
“Expedito esplika katak programa ne’e uluk koñesidu ho naran Naroman ba Suku iha Oitavu Governu, maibé iha Nunu Governu nia okos, inisiativa ne’e nakfila ba Sentru Informasaun Suku Digital, Governu foti desizaun estratéjiku hodi instala Starlink tanba haree ba kualidade internet husi operadór sira hanesan Timor Telecom, Telkomcel, no Telemor ne’ebé dala barak la’o neneik. Maibé, governu mós kria hela fibra ótika iha instituisaun no munisípiu sira tomak hodi kompleta malu, tanba lansamentu suku dijitál ne’e sei luan to’o munisípiu sira seluk.
Ho mudansa dijitál ne’e, Xefe Suku Joaninha Alves Soares, tau esperansa bo’ot katak moris komunidade nian sei sai fasil liu, liuliu ba sira ne’ebé hela do’ok husi sede suku. Website foun ne’e sei sai odamatan asesu ba formatu dokumentu oioin ho lalais, hodi nune’e lori responsabilidade foun ba suku atu fó atendimentu ne’ebé kbiit no lalais liu ba povu.
Jornalista Estajiada: Natalia / Melania
Editor: Ana Maria
