(Díli), Kaikoli 27/07/2027 – Ministériu Solidariedade Sosiál no Inkluzaun (MSSI) hamutuk ho Ministériu Negósiu Estranjeiru no Kooperasaun (MNEK) foti pasu estratéjiku foun liuhusi enkontru koordenasaun ne’ebé realiza iha Salaun MSSI-Kaikoli. Enkontru ne’e diskute konaba dezenvolvimentu Pilár Sosiu-Kultural ASEAN (ASEAN Socio-Cultural Community-ASCC).
Ministra Solidariedade Sosiál no Inkluzaun, Verónica das Dores, hateten koordenasaun entre instituisaun sira importante tebes hodi asegura katak pasu hotu ne’ebé foti la’o tuir planu. Enkuantu ba ASEAN la’ós de’it kona-ba foti desizaun polítika, maibé oinsá bele prepara sosiedade ema ho nesesidade espesiál sira, hodi bele sai parte hosi dezenvolvimentu rejionál ne’e.
“Koordenasaun ho MNEK ne’e xave boot hodi lori pilar sosiu-kultural ne’e ba oin,” dehan Ministra Verónica das Dores Iha enkontru ida nebe halao hamutuk ho MNEK Iha salaun MSSI Kaikoli,Díli foin lalais nee.
Iha parte seluk, Vise-Ministra Negósiu Estranjeiru no Kooperasaun (MNEK) Asuntu ASEAN Milena Rangel, deklara nia apoiu tomak no apresia ba pasu ne’ebé MSSI foti hodi bele servisu hamutuk hodi foti desizaun ne’ebé loos ba interese nasionál.
“MNEK prontu nafatin hodi fó apoiu tékniku no diplomasia hodi nune’e pilar sosiu-kultural ne’ebé MSSI foti sai duni baze ne’ebé metin hodi hatudu Timor-Leste ninia identidade no prontidun iha ASEAN,” Hatutan Vise-Ministra Milena Rangel.
Entretantu enkontru ne’e sai hanesan sinál pozitivu ida ba ministériu sira iha Timor-Leste hatudu sira-nia serbisu hamutuk ne’ebé metin hodi hasoru dezafiu no aproveita oportunidade hotu ne’ebé iha, hodi nune’e prosesu integrasaun ba ASEAN bele lori duni naroman ba dezenvolvimentu sosiál iha rai laran.
Jornalista /Estajiada : Melania de Jesus
Editor : Ana Maria
