(Díli )Palasio Prezidenti-komerasaun loron retaurasaun independênsia Timor-Leste nian ba dala 23 iha loron 20 fulan Maio tinan 2025,Atual Prezidenti Repúblika Timor-Leste (PR) deklara, Nasaun Timor-Leste hanesan nasaun ida ne’ebé moris rasik husi prosesu deskolonializasaun no bao in tenki iha responsabilidade no esperansa.
“Iha momentu ida ne’ebé partikularmente simbóliku, bainhira ita selebra aniversário 20 de Maio tinan 2025 ba dala-23 Restaurasaun ita-nia Independénsia nian, Prezensa husi distintu konvidadu sira ne’e reforsa rekoñesimentu husi Timor-Leste nia trajetória no nia lian ativu iha Nasoens Unidas nia laran, liuliu kona-ba promosaun husi direitu husi povu sira ne’ebé sei iha administrasaun koloniál nia okos, Timor-Leste hanesan nasaun ida ne’ebé moris rasik prosesu deskolonizasaun, simu enkontru rejionál pasífiku ne’e ho espíritu solidariedade, responsabilidade no esperansa”, Dehan PR José Ramos Horta nia diskursu iha komemorasaun 20 de Maio dala 23 iha Palasio Prezidenti Aitarak laran tersa ne’e, 20/05/2025
PR Informa, atu enkontru ida-ne’e bele kontribui ba hametin momentum internasionál ba mundu ida livre husi kolonializmu, iha-ne’ebé povu hotu-hotu bele ezerse tomak sira-nia direitu ba liberdade, dignidade no hili sira nia futuru rasik.
“Ohin marka tinan tolu dezde ha’u simu pose iha meia-noite iha loron 19 fulan-maiu tinan 2022, ha’u iha tan tinan rua ba misaun atu kumpre, ne’ebé sei remata pontualmente iha oras 24 iha loron 19 fulan-maiu tinan 2027”, dehan PR José Ramos Horta
PR hatete, Timor-Leste nu’udar demokrasia ne’ebé joven, imperfeitu, no vibrante dame, toleránsia no liberdade nian, naroman demokrasia no trankuilidade ne’ebé nabilan iha mundu.
“Ita maka sosiedade ida ne’ebé multikulturál, multirelijiozu, multilinge no multiétniku, ita kompromete-an ho ita nia diversidade no pluralidade polítika. Ita maka sosiedade ida ne’ebé nakloke ba mundu tolerante no livre hosi ódiu, ha’u hakarak temi dala ida tan katak, se ohin loron ita livre no soberanu, iha barak ka iha buat hotu-hotu tanba ita deve, sim, ba ita nia povu, maibé mós ba ita-nia Igreja, únika Instituisaun sekulár iha ita-nia rain, moris no vibrante ba beibeik”, Afirma PR
PR José Ramos Horta deklra katak, Timor-Leste nia liberdade ba nia Kombatentes Libertasaun Nasionál, Frente Armada, Rede Klandestina, Juventude no asaun diplomátika ne’e nia agradese no parabéns sidadaun Timor-Leste tomak ne’ebé iha mundu.
“Hodi hafoun ha’u nia nia agradesimentu ba partisipante hotu-hotu iha eventu solene ida-ne’e, ha’u aproveita oportunidade ida-ne’e hodi hato’o ha’u-nia parabéns ba sidadaun Timor-Leste tomak mane no feto, labarik, foin-sa’e, adultu ferik katuas, emigrante no imigrante sira tantu iha territóriu nasionál no iha komunidade timoroan sira ne’ebé namkari iha mundu tomak, ho laran tomak ha’u dezeja saúde di’ak, susesu pesoál no profisionál, no ksolok ba família timoroan ida-idak”, Hakotu PR José Ramos Horta
Jornalista : Gaudencia Belo
Editor :Manuel Andrade
