(Díli) kolmera 31 /07/ 2026 – Ministeriu Administrasaun Estatal (MAE) realiza enkontru ba preparasaun transladasaun Restu Mortais Katoliku Dom Jaime Gracia Goulart, Dom Joaquim Ribeiro no Monsenor Martinho da Costa Lopes no Dom Alberto Ricardo da Silva, iha Edifisiu MAE.
Ministru Administrasaun Estatal (MAE)Tomás do Rosário cabral esplika, prosesu transladasaun restus mortais Preladu Katóliku sira la’ós deit atividade relijiozu, maibé mos sai momentu importante ida ba istória identidade no memória kolektiva povu Timor-Leste. Tanba ne’e, preparasaun hotu-hotu tenke hala’o ho planu nebe mak di’ak.
“Objetivu prinsipál husi reuniaun ida-ne’e mak atu defini no koordena aspetu organizasionál, lojístika, protokolár no operasionál sira, atu serimónia transladasaun ne’e bele la’o ho dignu, seguru no solenidade, tuir valór Igreja no kultura Timor-Leste,” dehan Tomás do rosário Cabral iha edefisiu MAE sesta 31/07/2026.
Nia hatutan,planu mobilidade, seguransa ba públiku no konvidadu sira, alokasaun fatin, atendimentu ba delegasaun sira, no koordenasaun entre forsa seguransa, ekipa saúde, voluntáriu sira no komisaun organizadora. Enfatiza katak susesu husi serimónia ne’e depende ba servisu hamutuk entre parte hotu-hotu. Nune’e, instituisaun relevante sira sei kontinua halo reuniaun koordenasaun tuir nesesidade atu asegura preparasaun hotu remata ho di’ak antes loron serimónia.
“agradese ba Gorvernu português husi discurso sei entrega bispu nain rua husi sidadaun português ba ita, Governo timor Leste agradese ba disponibilidade hodi fó fila fali Sira nee restus mortais sira nee mai, ho nune’e hamutuk Ho polisia potugal ,diretor jeral da polisia Sira sei apoiu ho governo halo transladasaun kaisaun/ Sasan Sira nee Iha hotu airoportu de Lisboa, dia 1 de Setembro restu mortais husi Lisboa sei Mai Ho aero Dili”.nia hatutan
Nia deklara,serimónia transladasaun restus mortais Preladu Katóliku sira sei sai momentu ida ne’ebé fó omenajen ba kontribuisaun boot lider relijiozu sira ne’e ba Igreja Katólika no dezenvolvimentu espirituál povu Timor-Leste, nune’e mós hametin unidade, respeitu no solidariedade entre komunidade tomak.
Jornalista /Estajiada : Josefina Maria/ Natalia de Carvalho
Editor : Ana Maria
