(Mudansa)-Aileu- Presidente autoriedade Munnisipiu Aileu (sigla-PAM Aileu) hamutuk ho entidades tomak husi munisipiu aileu inklui ho PNTL komandu jeral munisipiu Aileu komemora loron restaurasaun independensia Timor-Leste 20 de maio 25 ba dala 23 ho asaun kari ai-funan ba estatuta saudoso Nicolau Lobato Ai-sirimou.
Iha intervista Presidente PAM-Aileu João Bosco ba jornalista sira hatete, relasiona ho preparasaun ba selebrasaun loron restaurasaun independensia Timor-Leste ba dala 23 ho nune’e liuhusi atividade ne’e hodi hanoin hikas istoria libertasaun nasional nebe iha Timor-Leste espesialmente iha munisipiu Aileu, tamba ne’e ohin loron entidades hotu ho populasaun aileu tomak konsentra no fo omanjen liuhusi kari ai-funan ba saudoso Nicolau Lobato no saudoso sira seluk nebe maka fakar ra’an hodi liberta rai ida ne’e hodi hetan uku rasik a’an.
“ita nia veteranus sira nia luta iha durante okupasaun indonesia konsentra hamutuk iha ne’e mak, entaun ita fo monajem ba sira hotu hamutuk ho komandante boot saudoso Nicolau Lobato no tamba ne’e maka ohin ita organiza malu hodi mai tau aifuan iha ne’e ” Hateten (PAM) Aileu, Joao Bosco do santos ba jornalista Media Mudansa iha Aileu-Ai-sirimou, 19/05/2025.
Nia agresenta,iha prosesu libertasaun nasional timor oan barak maka mai mate iha rai ho naran Ai-leu Ai-sirimou no aileu mantane tamba mosu diferente ideia no partidu la hanesan tamba ne’e maka hari monumenut kruz bo’ot iha fatin ne’e hodi hodi mai tau ai-funan no fo omenajen ba saudoso sira nebe maka mate ba ukun rasik a’an.
“ kari aifunan ida ne’e kualker eventu nasional ka loron nasional sira mak hanesan; 20 de maio, 30 de augustu, 28 de novemberu, no 31 de Dezembro ita nafatin lori aifunan mai iha ne’e ho sentidu id aba saudoso sira nebe maka liberta rai ida ne’e ho sira nia isin no ra’an to’o hetan independensia ” nia nia hatutan
Nia salienta, atu refleta katak ema hotu-hotu tenki hanoin ba istoria timor-leste nian iha prosesu libertasaun nasional nian tamba liu husi prosesu narauk ne’e maka ema hotu ohin moris hakmatek no goja Liberdade maibe antes liu mai to’o iha ne’e liuhusi prosesu naruk nebe povu timor-leste hetan terus oioin, no aifunan ne’ebe ohin mai tau iha ne’e hanesan jerasaun foun hodi hanoin hikas as’wain sira nia libertasaun ba rai ida ne’e.
“Husu ba aileu oan ita tenke kontribui atu nune’e dezenvolve ita nia munisipiu no ita bele atinji luta dor sira nia mehi ne’ebe sira husik hela ba ita iha tinan hirak liu ba kotuk iha prosesu libertasaun nasional nian”nia hakotu
Jornalista :Rogerio Anunu
Editor :Gaudensia Bello
