(Díli) Palasiu Governu-Tomada de Posse ba Prezidente foun Konsellu Administrasaun Rádiu no Televizaun Timor-Leste, RTTL, Elizeu Isac Fernandes hodi lidera RTTL.EP ba periodu 2025-2029.
“Ita bo’ot sira hotu nia konfiansa mak inspira ha’u hodi simu responsabilidade ida ne’e no dedikasaun ba komprimisiu RTTL hodi la’o ho papel fundamental iha ita nia nasaun RDTL la’os de’it foti informasaun no libertamente nu’udar emisor públika Timor-Leste nian, RTTL ho nia misaun mak atu servi povu ho imformativu no edukativu, ita hotu iha responsabilidade atu garante katak RTTL sai nafatin instituisaun ida ne’ebé kredivel no independente ne’ebé tane ass valór lia los transparensia no integridade ba jornalista”, dehan Prezidente foun Konsellu Administrasaun Rádiu no Televizaun Timor-Leste, Elizeu Isac Fernandes, iha nia diskursu bainhira hala’o serimonia tomada de posse iha Palasiu Governu, Kinta, 13/03/2025
Nia kompromete atu servisu ho parte relevante sira hotu no hakuak nafatin parseiru no ajensia nasionál, internasionál, orgaun reguladór sira no importante liu mak povu Timor-Leste.
“Ha’u kompromete servisu ho parte relevante hotu-hotu, ha’u ho ekipa sei hakuak nafatin parseiru no ajensia nasionál no mós internasionál sira, ajensia governu nian, orgaun reguladór sira no importante liu povu Timor-Leste RTTL tenki adapta no hala’o inovasaun atu garante nafatin relevante no asesiva ho komunidade hotu-hotu hahú husi sentru urbanu”, informa nia.
Enkuantu nia dehan, RTTL sei promove valór sira liberdade impresa no jornalízmu ida ne’ebé responsável ho garante katak RTTL sai nafatin plataforma ne’ebé hetan konfiansa hodi fornese reportajen ne’ebé los.
“Ha’u sei promove valór sira liberdade impresa no jornalizmu ida ne’ebé responsável ho garante katak RTTL sai nafatin plataforma ne’ebé hetan konfiansa hodi fornese reportajen ne’ebé los, ami sei apoiu institiva sira ne’ebe ho kbit ba jornalista sira hodi hametin literasia média”, nia salienta.
Nia husu atu ekipa servisu hamutuk ba futuru ida ne’ebé ho profesionalizmu no kreatividade sira hotu, hodi servisu makas mak sei sai hanesan adubu hodi koleta RTTL nia susesu.
Estajiada: Esperança Maia Moniz/ Timotio Belo
Editora: Sandi Belo
