(Díli) Mudansa-Presidente Republika José Ramos Horta hateten, besik atu simu bensaun espesiál vizita Sua Santidade Papa Francisco nian ne’ebé, hanesan S.João Paulo II iha tinan 35 liu bá, sei husik marka klean liu ba istória Nasionál no espirituál.
“ Iha tempu badak nia laran ami simu sua santidade Papa Francisco mai vizita Timor-Leste hodi hametin fiar ami nia istoria no espiritual,ami nia Parlamentu Nasionál vota ho unanimidade atu adota deklarasaun kona-ba Fraternidade Umana, dokumentu orientadór bà umanidade tomak ko-autór husi Sua Santidade, Amu-Papa Francisco no Ahmed El-Tayeb, Imã Boot Al-Azhar Cairo nian, asina ho solene iha loron 4 fulan-fevereiru tinan 2019, iha Abu Dhabi, durante Sua Santidade nia vizita istórika bá Península Arábia,”dehan PR Horta Liu husi nia diskursu,hafoin jantar hamutuk iha Palacio Nobre Lahane,kinta-feira (29/08/24)
Presidente Republika afirma, hakarak ko’alia kona-ba ema ida ne’ebé nia konsidera nu’udar Arkitetu lolós bá sira nia vitória.
“Ko’alia kona-bá ema ida ne’ebé maka túr iha ita-boot nia sorin, Komandante-Xefe Rezisténsia Timorense, Primeiru-Ministru, Kay Rala Xanana Gusmão, ne’ebé ami deve bá reorganizasaun rezisténsia iha nia vertente oin-oin armada, Polítika, Diplomátika,klandestina, nomós rekonsiliasaun, unifikasaun família timoroan nian, inklui Igreja Katólika,tanba ne’e, realizasaun bá akontesimentu notável sira ne’ebé agora ami selebra, inklui ho akordu fulan-maiu, referendu fulan agostu no misaun sira tuir mai sai de’it posivel, tanbá sakrifísiu serenidade no matenek hosi estadista boot, aten-barani no vizionáriu ida-ne’e,”PR Horta esplkia
Horta Explika, Sakrifísiu sira durante tinan ruanulu-resin-haat (24) inklui tinan ualu (8) iha dadur, Prizaun Cipinang, iha-ne’ebé nia kumpri hela Pena Perpétua,serenidade durante períodu sangrentu ne’ebé rejista lakleur hafoin hatene kona bá rezultadu sira konsulta populár nian.
“Momentu ida iha-ne’ebé nia hatene reziste bá impulsu atu reaje, hasoru surtu sira violénsia nian ne’ebé buras iha ami-nia rain, hodi evita intervensaun hosi Tropa Forsas Armadas ba Libertasaun Nasionál Timor-Leste (FALINTIL) sira ne’ebé hela iha ninia komandu fatin sira akantonamentu nian, matenek hodi defende rekonsiliasaun interna no esterna, entre timoroan sira ho maun-alin viziñu sira, harii lasu fraternidade ho ami-nia viziñu sira, inklui relasaun metin ho ami-nia Maun-alin sira hosi Repúblika Indonézia,” Nia relata
Nia hatene katak, Fundadór Nasaun nian la gosta referénsia sira-ne’e bá nia, maibé ninia haraik-an labele taka halo sira ignora ninia realizasaun boot sira.
“Ami mós rejista figura boot sira seluk iha ami-nia istória, Xavier do Amaral, Nicolau Lobato, eroi balu ohin loron moris iha ami-nia leet,Taur Matan Ruak, Lere Anan Timur, Falur Rate Laek, no barak seluk tan ne’ebé iha panteaun ami nia memória nian,ami halo balansu ba tinan ruanulu-resin-lima (25) hosi ami-nia istória resente sira-ne’e maka lia-loos tenke selebra ba ami-nia memória iha futuru.” PR Horta hakotu
Journalista:Ana Ribeiro
Editóra:Delfina Borges
