(Dili), Mudansa – Primeiru Ministru (PM), Kay Rala Xanana Gusmão hasoru malu ho Sekretáriu Jerál Organizasaun Nasoes Unidas (ONU), hodi selevra konsulta populár tinan 25 nian.
“Ita hotu kontetenti Sekretariu Geral ONU mai timor mai hamotuk ho ita iha selevrasaun konsulta populár tinan 25 refrendu nian, iha tempu ne’ebá SG Antonio Guterres nu’udar Primeiru Ministro Portugal nian maka dudu partisipasaun Portugal ninian iha negosiasoen ONU konsege hamosu akordu loron 05 fulan maiu no simu Indonézia atu halo referendu iha ne’e,agradese tebes bá apoiu, la’ós de’it hosi Governu Portugés ne’ebé António Guterres nu’udár Primeiru Ministru iha momentu ne’ebá, maibé mós bá solidariedade povu Portugés nian ne’ebé halo ita fiar metin katak ita sei ukun an,” Dehan PM Xanana bá Jornalista iha Palásiu Governu Kinta-feira (29/08/24)
PM akresenta,ohin sira koalia ituan kona bá relasaun entre Republika Demokratika Timor-Leste (RDTL), ho organizasaun Nasoes Unidas (ONU) nian no Sekretariu Geral dehan katak saida deit mak timor presiza.
“Ohin ami koalia ituan kona bá relasaun entre Republika Demokratika Timor-Leste (RDTL), ho organizasaun Nasoes Unidas (ONU) nian no Sekretariu Geral dehan katak saida deit mak ita presiza atu dudu ba dezenvolvimentu ONU sei fo apoiu tomak, ” Tenik PM Xanana
Iha fatin hanesan, Sekretáriu Jarál Organizasaun Nasaun Unidas (ONU), António Guterres mós hatutan, ONU hamutuk ona ho povu Timor-Leste iha luta no manán Independénsia, ohin loron Timor-Leste tenke luta nafatin hodi manán dezenvolvimentu.
“Timor-Leste manán batalla Independénsia, Timor-Leste manán batalla Demokrasia, hanesan Sekretáriu-Jerál Nasaun Unidas nian, ha’u naturalmente sente orgullu katak, Nasaun Unidas hamriik ona hamutuk ho Estadu no povu Timor-Leste iha luta bá Independénsia no iha konsolidasaun Demokrasia, maibé Timor-Leste ohin loron tenke manán batalla dezenvolvimentu,”dehan António Guterres enkoraza
Sekretáriu Jerál ne’e mós, espresa sentidu emosionadu omenajen bá Primeiru-Ministru, Kay Rala Xanana Gusmão nu’udár kombatente no líder rezisténsia ne’ebé sakrifika buat hotu iha ai-laran hodi bele alkansa Independénsia nasaun ho nia povu.
“Rezisténsia ne’ebé PM Xanana Gusmão hatudu to’o sai dadur iha Cipinang Indonézia, sempre mai ho asaun no determinasaun boot atu defende ninia povu bá independénsia,iha momentu ne’ebá ko’alia bá dala uluk ho Xanana Gusmão liu hosi via telefónika iha momentu ne’ebé sira na’in-rua iha ona vizaun ne’ebé hanesan entre grupu rezisténsia timorense nian, liderada hosi Xanana Gusmão no Governu Português iha negosiasaun ne’ebé ikus-mai la’o hamutuk ho objetivu ida maka prosesu autodeterminasaun,” Esplika SJ António Guterres
Sekretáriu Jerál ONU ne’e rekoñese, Xanana Gusmão nu’udár líder transformadór ne’ebé transforma Timor-Leste sai hanesan paíz independente, paíz Independente, paíz respeitadór Direitus Umanus no paíz ne’ebé iha influénsia internasionalmente.
“Signifika, Nasaun Unidas iha ninia limitasaun kapasidade, maibé ho empeñamentu totál, inteiramente ONU hamutuk ho Governu Timor-Leste no tuir duni estratéjia Governu Timor-Leste nian hodi bele apoia vitória batalla dezenvolvimentu,ha’u sente impresionadu tebes kona-bá deskrisaun ne’ebé Primeiru-Ministru halo liga ho esforsu renovadu liu-liu bá matéria seguransa alimentár liu-hosi investimentu iha setór agrikultura,klaru katak, ida-ne’e sai hanesan dezafiu krusiál ida iha êzitu estratéjia dezenvolvimentu,” Nia relata
Nia mós impresionadu ho komprimisiu ne’ebé espresa hosi Primeiru-Ministru Xanana Gusmão liga ho asuntu Edukasaun no Saúde, ne’ebé interesante tebes ho vizaun kona-bá infraestrutura inklui kapasidade atu hili no deside saida mak povu ne’e tenke halo.
“Ha’u sente impresionadu ho realidade katak Timor-Leste nu’udár Estadu kiik, Portugál mós Estadu kiik, ne’ebé iha kapasidade espertu no rekoñesidu Internasionalmente no presiza tebes atu defende,impresionadu ho komprimisiu ne’ebé espresa hosi Primeiru-Ministru Xanana Gusmão liga ho asuntu Edukasaun no Saúde, ne’ebé interesante tebes ho vizaun kona-bá infraestrutura inklui kapasidade atu hili no deside saida mak povu ne’e tenke halo,” Sekretáriu Jerál ONU ne’e hatutan
SJ ne’e afirma,Timor-Leste hanesan mós membru Organizasaun Mundiál Komérsiu (OMK), nu’udár fundadór G7+ ho influénsia ne’ebé mak boot iha diskusaun nível komunidade Internasionál Nasaun Unidas nian.
“Timor-Leste sei sai hanesan membru ASEAN ne’ebé ha’u espresa katak bele iha influénsia ho papél importante ida bá populasaun iha Myanmar,ha’u konsidera Timor-Leste nu’udár lian ne’ebé hetan respeitu no ondra iha Nasaun Unidas, no mós konsideradu liu iha futuru simeira, sei esforsu atu diskute reformasaun importante nune’e institiuisaun sira multilaterál nian bele responde problema sira iha tempu ohin loron nian, mudansa klimátika, dezafiu sira kona-bá intelijénsia artifisiál nomós norma dezigualdade ne’ebé akontese iha mundu tomak,ONU konta mós ho Timor-Leste ninia lian iha futuru simeira, konta mós Timor-Leste nia lian iha esforsu hotu-hotu atu halo mundu ne’e sai mundu ida ne’ebé respeita knaar Nasaun Unidas nian, respeita lei Internasionál iha ne’ebé deziguladade no injustisa sei kontinua akontese no ikus-mai bele enfrenta ho determinasaun no solidariedade.SJ António hakotu
Jornalista : Esperança Monteiro Soares
Editóra: Delfina Borges
