(Dili) Mudansa – Primeiru-Ministru,Kay Rala Xanana Gusmão sente onradu tebes simu vizita hosi Vise-Primeiru-Ministru no Ministru Dedezenvólvimentu Rurál no Rejionál Malázia, hodi hametin liután kooperasaun bilateral entre Nasaun rua iha área kapasitasaun rekursu umanu no seluk tan.
“Ha’u sente onradu simu vizita hosi Vise-Primeiru-Ministru no Ministru Dedezenvólvimentu Rurál no Rejionál Malázia, hodi hametin liután kooperasaun bilateral entre Nasaun rua iha área kapasitasaun rekursu umanu no seluk tan no agradese bá Vise-Primeiru-Ministru ho delegasaun ne’ebé to’o ona iha Timor-Leste,hodi partisipa mós iha serimónia aniversiáriu konsúlta popúlar 30 Agostu 1999 bá dala XXV ne’ebé sei hala’o iha loron 30 fulan Agostu aban,” dehan PM Xanana Gusmão bá Jornálista iha Palásiu Governu kinta-feira (29/08/24)
Iha fatin hanesan, hafoin remata enkontru Vice-Primeiru Ministru Malázia Hon. Dato Seri,Ahmad Zahid Hamidi, deklara, enkontru ne’e, ko’alia liu kona-ba reforsu kooperasaun bilateral entre Nasaun rua, liu-liu área importante.
“Hosi enkontru ida ohin ami koalia liu bá reforsu kooperassun bilatetal entre nassun rua li-liu area importsnte hanesan investimentu no komérsiu, Edukasaun, Saúde, kapasitasaun rekursu umanu, oferese bolsu estudu bá Timoroan hodi bá estuda iha Universidade Kuala Lumpur, Malázia apoiu,seluk maka, Malázia fó másimu bá Timor-Leste nia adezaun bá ASEAN no mós iha konektividade area no seluk tan,ami haree bá dezenvólvimentu rurál,tanbá ne’e mak ohin hasoru malu ona ho Viçe-Primeiru Ministro Asanami,no ami kontenti partisipa mós iha aniversáriu referendu T-L nian bà dala XXV,”tenik V-PM Malázia Hon. Dato Seri,Ahmad Zahid Hamidi
Vice-Primeiru Ministru hosi Malázia ne’e mós afirma,ohin sira ko’alia kona-bá kooperasaun Malázia Timor-Leste li-liu iha rekursu umanus, saúde, ne’ebé sira prontu atu ajuda Timor dezenvólve rai Timor.
V-PM Malaizia, mós agradese bá Governu Timor-Leste, tanbá oferese ona rai hektár 6.133 metru kudradu ba Governu Malázia hodi konstrui sira-nia edifísiu Embaixada Malázia nian iha Dilí.
Ha’u agradese bá Governu Timor-Leste, tanbá oferese ona rai hektár 6.133 metru kudradu ba Governu Malázia hodi konstrui sira-nia edifísiu Embaixada Malázia nian iha Díli no kongratula Governu Timor-Leste nia adezaun bá Organizasaun Mundiál Komérsiu iha fulan fevereiru foin lalais ne’e no rai ne’ebé Governu Timor-Leste oferese hodi harii Embaixada Malázia ne’e, lokaliza iha área Praia dos Coqueiros Díli, ne’ebé besik edifísiu Ministériu Negósius Estranjeirus no Kooperasaun.”V-PM Malaizia hakotu
Jornalista : Esperança Monteiro Soares
Editóra: Delfina Borges
