(Díli) Mudansa-Indonézia husik Timor-Leste tanbá deside hodi fó onra bá kompromisu sira ne’ebé halo ona bá Nasoins Unidas ne’ebé prevee nia retirada no substituisaun husi Forsa Internasionál sira hetan fiar atu garante territóriu nia seguransa.
Prezidente Repúblika José Ramos Horta, hateten, Iha tinan 1999, tuir krize ekonómika no finanseira ne’ebé halo nakdoko maka’as Orde bá Prezidente Soeharto nian, TNI bele ona asume podér, hodi kontra anin mudansa nian tuir ezemplu okupasaun podér ho meiu militár hanesan akontese iha Nasaun sira seluk.
“Lideransa militár Indonézia hatudu sentidu Estadu ne’ebé aas, hatene lee anin mudansa nian, hodi permite movimentu “reformasi” ne’ebé rezúlta iha Indonézia foun ne’ebé modernu, Demokrátiku, prósperu, pasífiku,” dehan PR Horta liu husi Diskursu, hafoin jantar hamutuk iha Palacio Nobre Lahane, Kinta-Feira (29/08/24).
Nia akrésenta, TNI bele sente orgullu ho maneira ne’ebé nia taka kestaun Timor nian, laiha rezisténsia bá prosesu transferénsia seguransa iha Timor-Leste bá forsa Internasionál ida, se nia halo nune’e, sei laiha Forsa iha mundu ne’ebé bele kontra nia.
“Iha momentu furak ida iha tinan 1999 mak ami-nia Maun, Komandante-Xefe Rezisténsia Timorense, Kay Rala Xanana Gusmão, hakuak no kumprimenta iha Aeroportu Díli ofisiais superiór TNI nian ikus liu.” PR Horta Hakotu
Journálista: Ana Ribeiro
Editóra : Delfina Borges
