(Dilí) Mudanda-Ministeriu Ensinu Superior Siensia no Kultura (MESSK)ohin asina akordu ho Heavenly Culture, World Peace, Restoration of Light (HWPL singla Inglesh) husi Korea, inklui mós ho universidade 6 ne’ebé koalia kona-ba Peace Education no paz nian.
Ministru Ensinu Superior Siensia no Kultura (MESSK), Jose Honorio da Costa Pereira Jeronimo hatete,ohin Ministeriu asina akordu nomós ho universidade 6,hodi koalia kona-ba paz,tanbá hanesan país ida ne’ebé mak konflitu naruk, ne’e duni tenke aprende HWPL husik Korea hahú husi Edukasaun husi nivel superior importante tebes ba Timor-Leste atu bele eduka joven sira oinsa bele kria paz.
“Objetivu Mudanda-Ministeriu Ensinu Superior Siensia no Kultura (MESSK) asina akordu ho Heavenly Culture, World Peace, Restoration of Light (HWPL singla Inglesh) husi Korea ne’ebé koalia kona-ba Peace Education no paz, kuaze Nasaun atus ida hitu-nuku (170) mak hola parte iha laran, inklui ho Instituisaun 6 mak hanesan East Timor Coffee Institute(ETCI), CRISTAL,Unicversidade Katólika Timorense (UCT),Universidede Oriental Timor Lorosa’e (UNITAL),Istitutu Universitàriu NaromN Esperansa (IUNE) no Institutu Politekniko Betano (IPB), atu ko’alia kona-ba paz, ita boot sira hatene pas ne’e importante tebes Timor-Leste iha ita nia Nasaun ida ne’ebé mós iha konflitu naruk, ita tenke aprende no kontinua aprende,”dehan MESSK Jose Honorio ba jornalista sira iha Edifisiu MESSK Kolmera,Tersa-Feira (16/07/24)
Nia afirma,tanbà pas ne’e hahú husi Edukasaun iha nivel Superior ba kraik, importante tebes ba rai atu bele eduka joven sira oinsa bele kria paz iha komunidade, iha sosiedade no nasaun atu bele dezenvolve nasaun lao ho diak, pas ne’e importante tebes tenke husi familia no husi ema idak-idak.
“Ita nia rai iha konflitu sim,maibé Governu liu-liu Mudanda-Ministeriu Ensinu Superior Siensia no Kultura (MESSK) iha responsabilidade ho Heavenly Culture, World Peace, Restoration of Light (HWPL singla Ingesh) ne’ebé mai husi Korea, hanoin diskusaun ne’ebé klean hanoin ba futuru bele tau mós Peace Education iha kurrikulun hodi bele hanorin mós ba ita nia Ensinu Superior sira, hodi ita nia joven sira hatene katak paz ne’e importante,”Governante sublina
Nia afirma, Peace Education ne’e importante tebes ba Ensinu Superior sira iha Timor,tanbà ne’e mak Ministeriu asina akordu tekniku ho sira hodi nafatin koalia kona-ba paz iha rai nee,asina akordu ne’e ba tinan ida, depois sei kontinua ho sira,tanbà sira hakarak estabelese kurríkulu ida kona-ba paz, koalia ona ho sira Univerdade bele loke estudu ida kona-ba paz deit, tanbà iha Universidade Nasional Timor-Leste (UNTL) rasik iha mestradu ona estudu pas, tenke hanoin ida ne’e atu estabelese kurríkulu ida ba kursu paz nia iha T-L.
“Iha Ensinu Superior paz lao diak hela, tanbá ne’e mak atividade Akademiku lao atividade aprendizajen lao tanbà pas, ha’u hanoin hanesan Timor oan iha responsabilidade atu koalia kona-ba Peace Education ne’e importante hodi ita nia oan no joven sira bele aprende diak liu tan atu lori dezenvolvimentu ba ita nia rai,”tenik Nia
Governante ne’e akresenta,Timor-Leste presiza mak dezenvolvimentu adekuadu tenke kria duni paz iha nasaun bele halo dezenvolvimentu ida diak hodi dezenvolve rai ne’e iha futuru.MESSK kontinua fo apoiu suporta atividade sira ne’ebé diak bá ema barak, rai ne’e tenke pas duni,pas importante ba T-L no ba joven sira ba hotu-hotu atu bele dezenvolve nasaun ida ne’e.
Iha fatin hanesan, Prezidente Institutu Politekniku Betano (IPB), Acacio Cardoso mós hateutan, ida ne’e sira husi Korea iha programa ida naran Peace Education, edukasaun ba paz, sira eziste iha nasaun barak sira hakarak koopera ho Universidade balun iha Timor-Leste.
“Ohin ami husi universidade 6 mak hanesan East Timor Coffee Institute(ETCI), CRISTAL,Unicversidade Katólika Timorense (UCT),Universidede Oriental Timor Lorosa’e (UNITAL),Istitutu Universitàriu NaromN Esperansa (IUNE) no Institutu Politekniko Betano (IPB) mak mai, universidade ida, rua sai membru nanis tiha ona,iha objetivu ne’e sira iha modul,hanesan disiplina ida, sira hakarak hola parte ba ita nian kurrikulu, atu eduka ita nian joventude sira bele hadomi pas, tanbà ita hanesan nasaun ida ne’ebé foin sai husi konflitu, dala ruma joven sira violentu, kria konflitu,”Prezidente IPB Acacio Cardoso hakotu.
Jornalista:Ana Ribeiro
Editóra :Delfina Borges
