(Dili)Mudansa– Fundu Dezenvolvimentu Kapital Humanu (FDCH) servisu hamutuk ho Lorosa’e English Language Institute (LELI sigla Inglesh) reáliza teste Internasional English Language Testing System (IELTS) bá kandidatu bolseiru 44 atu kontinua estudu iha Malázia no Tailandia tinan ne’e.
Diretór ezekútivu FDCH Julio Apariçio hateten, Estudante hirak ne’ebé tuir ona teste ida ne’e prosesu barak mak sira hakat liu ona, antes ne’e Fundu Desenvolvimento Kapital Humanu anúnsia bá públiku kona-bá bolsu estudu refere.
“Iha bolsu estudu ne’e kandidatu barak mak submete dokumentus, maibé hosi prosesu lubuk ida, ikus mai kandidatu nain-haat nolu resin-haat (44) maka hakat bá iha faze finál hodi tuir teste bá iha Internasional English Language Testing System (IELTS),nu’udar Diretorbainhira ha’u tama iha FDCH ha’u haree nia vizaun FDCHA ne’e hanesan entidade ida hodi dezensenvólve rekursu umanu ne’ebé forte hodi haforsa no kontribui bá prosesu dezenvólvimentu iha Timor-Leste bazeia bá vizaun ida ne’e, ami tenki implementa programa ida ne’ebé di’ak planu ne’ebé justu no bootatu responde bá vizaun ida ne’e,tanbá ne’e mak ami rekruta ona bólseiru barak ne’ebé liu tiha ona no nia prosesu primeiru ami loke bá públiku depois estudante hotu-hotu mai sumete sira nia dokumentus,”dehan Diretor Ezekutivu FDCH Timor Plaza Suai Room Sabadu,(19/07/24 )
Governante ne’e akresenta, etapa primeiru sira halo selesaun dokumentus juri ne’ebé sira prepara mai hosi Ensinu Superior mai hosi Ministeriu Planeamenru Investimentu Estratéjiku (MPIE) no Fundu Dezenvolvimenti Kapital Humanu (FDCH) rasik ida ne’e membru juri garante kuálidade no garante transparánsia ema hotu invólve iha laran.
“Prosesu ne’ebé hanesan ohin ha’u dehan ne’e primeiru ami halo selesaun dokumentus segundu ami halo selesaun teste English bazika ne’e etapa primeiru bá hotu-hotu,tanbá bá Nasaun rua ne’e só estudante ne’ebé hatene ingesh mak bá etapa segundu bá Lisensiatura tanbá ne’e bá IT nomós bá Petroleo entaun ami halo teste hanesan Matematika, Kimika, Fizika,ida ne’e ami servisu hamutuk ho LELIhodi garante kuálidade transparánsia ami fó fiar bá sira, sira maka materiál buat hotu-hotu ne’ebé ami FDCH tantu Ministeriu no membru juri MPI ka Ensinu Superior ami lahatene saída maka sira prepara,”Nia relata
Nia sálienta, kandidatu bolseiru nain haat nolu resin haat (44) tenki kumpri bá iha regra hosi Fundu nia ne’ebé antes ne’e hakerek nanis ona iha kontratu, katak bainhira sira remata sira nia estudu iha Nasaun rua tenk fila mai Timor hodi servisu hamutuk ho parte Governante tuir idak-idak nia area durante tinan lima nia laran.
“Hanesan Hovernu da IX nia programa katak, sira fó prioridade iha area Saúde Engeñaria,Turizmu no Siénsia Sosiais humanidade ne’ebé aplika aplikada agrikúltura horti-kultura hirak ne’e ami halo iha kontratu hakerek kedas katak bainhira sira fila mai sira tenki servisu bá Governu minimu tinan lima (5) depois ida ne’e obstakulu ida mak ne’e ha’u Ko’alia Governu ne’e la’os dehan da-ualu ka da-sia, da-sanolu ha’u la dehan ida ne’e nuda’ar Diretór Ezekútivu ha’u iha obrigasaun atu sujere bá Governu, bainhira bolseiru sira Governu gasta ona osan bá sira hodi ba eskola ona iha rai liur fila mai Governu tenki tau prioridade bá sira buka kedas servisu ba sira bainhira sira fila mai ami tenki hetan rekomendasaun hosi FDCH sira tenki utíliza ida ne’e maka bainhira ami hasoru malu iha liña Ministeriál sira hau sempre ko’alia,”tenik Nia
Iha fatin hanesan kandidatu bolseiru Maria Pinto hateten,nia parte senti kontenti hodi hola parte iha oportunidade ida ne’e, tanbá prosesu barak maka sira liu ona ho matenek ne’ebé naton,maibé nia fiar katak sei hakat liu bareira ida ne’e maske rezúltadu seidauk públika.
“Ba loron ida ohin ha’u senti hanesan previleziu ida maske teste finál seidauk sai,tanbá hanesan Timoroan ha’u senti orgullu ida ne’e la’os prosesu ida ne’ebé fasíl no la’os liu hosi prosesu ida ka rua de’it,maibé liu hosi prosesu barak maka ohin loron ami to’o iha teste ida ne’e mezmu rezúltadu seida’uk saí maibé nafatin fiar aan, nafatin kuiñesimentu baziku ka baze ne’ebé maka ita aprende ona ha’u senti ha’u mós bele atu kompete bá iha oportunidade ida ne’e,”dehan Kandidatu bolseiru Maria Pinto
Nia haktuir karik iha oportunidade bá nia hodi hakat liu iha teste ne’e nia promote katak sei aplika fila-fali iha nia rai rasik liu hosi prátika no teória no sei implenta bá iha komúnidade nia le’et .
“karik liu bá iha bolseirus ida ne’e primeiru ha’u senti kontenti liu tan tanbá Nasaun ida bele hili ami hodi hola parte mós bá iha oportunidade di’ak ida ne’e no iha futuru ha’u iha planu ida katak bainhira saída maka ha’u aprende ona iha Universidade ne’ebé sei mai ha’u hakarak aplika no entermus prátika no teória ne’ebé la’os aprende de’it iha rai liur maibé saida maka ha’u aprende iha Nasaun atu halo kompara hodi mós bele halo implementasaun ida bá iha liu-liu iha baze hanesan Munisipíu ka komúnidade nia le’et hodi fó mos benefisiu bá iha komúnidade sira liu-liu ba Joven sira no sai mós enkoraja Joven sira atu nafatin luta bá sira nia futuru.”hakotu Nia.
Antes ne’e bolseiru ne’ebé aplika bá iha bolsa refere hamutuk 229 no bainhira fundu halo selesaun dokumentus no teste bazika ikus mai nain 44 deit maka hakat bá iha teste final, entre tantu bolseiru 44 ne’e hosi mane 17 feto 24 Lisensiatura totál ema nain 19 no iha area Lisensiatura maka hanesan Sciense in petroleum.
Geosciense, Chemical engineering, Mechatronic Enginering, Electrical & Electronic Engineering, Computer Sciense(Data analytics) Artificial intelligence, Cyber Security, metradu totál 24 no iha area mestradu maka hanesan Petroleum Geosciense, Engineering chemical, Engineering Petroleum, Engineering Civil, Finance/Accounting, Engineering, Hospitality and Tourism management .
Jornalista : Remigia Locateli
Editora : Delfina Borges
