(Dili) Mudansa–Xefe Seksaun Relasaun Externa Nelson Nunes de Orleans Informa, iha dia 01 to’o 08 de Abril 2024 Autoridade Protesaun Civil (APC) rejistu xefe família hamutuk 36 ne’ebé mak sai vítima ba tipu dezastre naturais oi-oin durante Seksaunana ida nia laran.
“Durante Seksaunana ida ne’e, hahu iha loron 01-08 Abril 2024, iha rejiaun Timor-Leste normál no akontese tipu dezastre naturais ne’ebé rejista hosi APC hamutuk Xefi famílias 36 mak nia proriedade hetan estragus, Liu-liu iha Munisípiu sira mak hanesan, Munisípiu Aileu anin sobu Uma 2, Munisípiu Baukau ahi han uma 1, anin soba Uma 3, Munisípiu Bobonaro Rai halai kona uma 4, anin sobu uma 4, Munisípiu Ermera anin sobu uma 9, be’e sae tama uma 1, rai halai kona uma 3, ahi han uma 1. Munisípiu Manatutu anin sobu Uma 1, be’e sae no tama uum 207, munisípiu Monufahi be’e sae no tama uma 14. Raioa anin sobu 1, Munisípiu Vikeke anin sobu Uma 1,” Dehan Xefe Seksaun Relasaun Externa Nelson Nunes de Orleans iha konferensia Imprensa iha APC kaikoli, segunda, (08/04/2024)
Xefe Seksaun Relasaun Externa, Nelson Nunes de Orleans le’e komunikadu impresnsa iha Edifisiu APC Kaikoli Dili Photo: Gaudencia Belo
Xefe Seksaun Relasaun Externa hatutan, dezastre sira ne’ebé akontese iha teritoriu laran tomak APC foti kedan dadus ba vitima sira ne’ebé hetan dezastre no APC mós fornese emerjensia ba família afetadu sira no APC munisípiu kontinua halo levantamentu sasan sira ne’ebé hetan estragus husi dezastre refere.
“Dezastre sira ne’e parte APC servisu hamutuk ho diresaun sira ne’ebé tutela iha APC nia okos halo kedas verifikasaun kedas ba vitima sira ne’ebé hetan dezastre halo kedas fornese asistensia emerjensia ba família afetadus sira mak hanesan Ai-han no la’ós ai-han (food item & Non-food Item). Komandu Operasionál (APC) Munisípiu sira sei kontinua halo levantamentu detaillu kona-ba sasan ne’ebé estragus no lakon,” Nia Afirma
Xefe ne’e mós rekomenda ba Komunidade sira hotu katak akontese Udan no Anin bo’ot ruma, husu komunidade atu bele hases an fatin rizku sira hanesan, mota ninin, Foho Lolon, ai-hun bo’ot, no liña eletricidade, rai dokumentu sira importante iha fatin ne’ebé mak seguru.
