(Dili) Mudansa – Eis Minintériu Edukasaun, Juventude no Desportu (MEJD), Armindo Maia informa, primeira vez iha nia mandatu nu’udar MEJD iha VIII Governu konstitusionál maka promove alterasaun ba estatutu karreira dosente no promove kualidade edukasaun.
“Hafoin liu tinan 10, primeira vez, ami promove alterasaun ba estatutu Carreira Docente hodi hametin Iiu tán karreira dosente, liu-liu kria kondisaun hodi fó rekoñesimentu ba dosente sira no promove kualidade edukasaun,” Eis Governante ne’e hatete, bainhira halo Konferensia Imprensa iha CCF, Komoro Segunda 04/12/2023.
Nia aumenta, alterasaun ba dekretu lei nu-° 23/2010, de 9 de Dezembro, Estatuto da Carreira dos Educadores de Infância e dos Professores do Ensino Basico e Secundário Estatuto da Carreira Docente, dekretu lei ida ne’e hetan ona promulgasaun husi Prezidernte Ramos Horta iha loron 15 fulan Maiu tinan 2023 no públika ona iha Jornal da Repúblika iha loron 31 de Maiu tinan 2023.
Alterasaun ne’e fokus liu ba, hadi’a sistema rekrutamentu dosente, liu husi Bolsa Candidatos, ne’ebé sei halo pré selesaun bainhira iha vaga mak halo xamada atu taka vaga, Prosesu ne’e espera sei asegura kapasidade atu hatán ba nesesidade eskola tuir kuadru pesoál eskola nian ho lalais liu.
Asegura direitu husi karreira dosente sira, inklui subsidiu transporte, aprova ingresu espesiál ba kontratadu ho abilitasaun akadémika, nune’e iha futuru sei iha direitu na progresaun karreira aprova kontratasaun ba tempu indeterminadu ne’ebé seidauk iha abilitasaun akadémika, hodi ezerse funsaun administrativu.
“Alterasaun mós determina ho klaru eskola sei la bele rekruta dosente, inklui sei la bele envolve voluntáriu iha futuru,” nia hatete.
Nia deklara, alterasaun ba Estatutu Carreira Docente, MEJD mós halo Dekeretu lei importante 2 no prodús dekretu lei foun mak hanesan, Alterasaun ba Decreto-Lei n 7/2010 de 19 de Maio Regime Juridico da Administração e Gestão do Sistema de Ensino Basico
No dekretu lei Nu-°33/2011 de 3 de Agosto Regime Juridico da Administraçãoe Gestäo do Sistema de Ensino Secundário ne’ebé konsidera nu’udar foun ho Decreto-Lei Nu-°32/2023 de 31 de Maio Regime Juridico do Sistema Nacional do Ensino Básico.
Ho mós Decreto-Lei Nu-°33/2023 de 31 de Maio Regime Juridico do Sistema Nacional de Ensino Secundário O Estabelese Decreto-Lei N.9 34/2023 de 31 de Maiu aprova o Regime Juridico do Sistema Nacional da Educação PréEscolar e dos Programas de Educação Infantil e Procede à Segunda Alteração ao Decreto-Lei n. 3/2015, de 14 de Janeiru.
Nia realsa tan, nu’udar pesoál no kuadru partidu FRETILIN, agradese ba parte hotu-hotu nia kooperasaun no serbisu di’ak durante VIII Governu konstitusionál nia mandatu, hahú husi profesór, dirijenti no funsionáriu sira iha Minísteriu, parseiru, sosiedade tomak no partikularmente média sira.
“Ami kompromete atu kontribui nafatin ba dezenvolvimentu edukasaun ida ho kualidade, inklui kualidade profesór sira tuir ami nia kapasidade no posibilidade,” nia hakotu.
Jornalista : Mariano Do Santos Abi
Editor : Orlando Magno
