Sosial  

Osorio Triste, Komunidade “Neon La Iha” Soe Lixu Iha Fatin Públiku

banner 120x600

(Dili) Mudansa – Estudante husi Universidade Da Pas (UNPAZ) Fakuldade Ciénsia Sociais Humanas Osorio Pinto informa, nu’udar Foin-sa’e Timor oan sente triste bainhira komunidade sira iha área Delta 3 Elemloi soe lixu iha fatin públiku tanba estraga ambiente iha sidade Dili.

“Pesoál hanesan Timor oan sente triste oituan, tanba Delta 3 área Elemloi ne’e la serve atu Soe fo’er iha fatin publiku,” Dehan estudante (UNPAZ) Osorio Pinto ba jornalista média Mudansa iha Delta 3 , Kuarta ne’e 6/12/2023.

Se komunidade lakohi kuidadu ambiente sira ne’e, se loos mak atu kuidadu fali fatin sira hanesan ne’e, entaun komunidade sira tenke iha konsiénsia atu soe fo’er iha nia fatin, tanba ida ne’e la’ós lixu fatin.

Nia haktuir, Fatin ida ne’ebé ema hodi hala’o atividade fa’an modo ou kualkér atividade, no Fatin ne’e la’ós atu soe lixu sá tan dalan públiku karreta ho motór movimentu ba mai Iha dalan estrada boot, tanba ne’e presiza kuidadu ambiente ne’ebé saudavel ba ema hotu nia saúde.

“Hau hanoin Ita presiza tau importánsia no mós presiza kuidadu ba fatin sira hanesan ne’e, tanba fatin sira ne’e la’ós fatin soe tanba husu ba Autoridade lokál sira tenke kontrola ba fatin ne’ebé la nesesáriu atu halo butuk lixu hamutuk hanesan ne’e,” Nia Afirma

Osorio katak, tuir lolos fatin sira hanesan ne’e presiza hare fatin di’ak ou serve duni atu soe fo’er ou lixu fatin atu nune’e komunidade sente seguru ho ambiente sira ne’e, se halo nune’e ba beibeik entaun se loos mak atu tau importánsia ba fatin Sira hanesan ne’e.

“Hau hanesan estudante husu dala ida tan ba parte relevante Sira presiza tau importánsia ba fatin sira hanesan ne’e la’ós ba fatin ida ne’e de’it, maibé mós ba sira seluk hotu, no mós presiza kria fatin ne’ebé seguru ba lixu atu anin labele huu fo’er ba mai iha estrada ,”Relata Nia

Entretantu Estudante Osorio Pinto Mesangen ba komunidade sira hotu ne’ebé mak hela iha aredores área Delta 3 no mós komunidade iha Dili laran tomak inklui negosiante sira ne’ebé hala’o negósiu iha kapitál Dili antes atu soe fo’er karik tau iha lixu fatin labele soe fo’er iha dalan ninin tanba Dili hanesan kapitál nasaun Timor-Leste nia tanba ne’e tenke kuidadu ambiente ho di’ak nune’e sidade Dili sai furak liu tan.

Jornalista : Gaudencia Belo

Editór        : Orlando Magno

banner 325x300
Editor: Orlando Magno