Ho nia tema “Avalia ba vulnerabilidade no reziliénsia iha komunidade fronteira terestre iha TL liu husi aproximasaun seguransa umana iha kontestu iha Kovid-19″
Atividade peskiza ba seguransa umanu iha fronteira durante fulan iha munisípiu Bobonaro ,Covalima ,no Rejiaun Administrativa Especial Oekuse Ambeno (RAEOA) bazeia ba kontratu husi Unicef no IOM konflitu sosiál.
“Sentru estudu ba pás konflitu UNTL hamutuk ho IOM, ho Unicef no peskizadór husi UNTL ohin halo abertura ba peskiza hodi aprezenta resultadu husi peskiza ne’ebé mak durante ne’e sira halo,” dehan Reitor UNTL João ba jornalista iha Farol Dili, Kuarta 06/12/2023.
Nia haktuir sira anota katak, inseguransa iha área lubuk ida liuliu iha seguransa edukasaun , seguransa iha área saúde,área ai-han, seguransa ambiente ,seguransa polítika ,seguransa ijiene.
Aleinde ne’e sira mós anota komunidade nia reziliensia oinsá enfrenta situasaun inseguransa sira ne’e oinsá bele responde ba situasaun ne’e
Nia haktuir, sentru estudu pás konflitu UNTL ,halo peskiza kona ba vulnerabilidade ba komunidade sira iha área fronteira ,rezultadu husi peskiza ida ne’e prelitariu maibé relatóriu kompletu ekipa sei prepara hela sei halo apresentasaun iha tempu tuir mai.
“Ba oin sei halo tan peskiza husi rezultadu preliminaria ne’e hatudu kestoens importante lubuk iha komponente hotu hotu ,tenke tau atensaun bainhira atu melora ita ninia atendimentu servisu ,” katak reitór
Iha fatin hanesan Bernardo Leto peskizadór UNTL haktuir Rekezitus husi doadór sira sei haruka ba iha governu karik ida ne’e sai hanesan referénsia ba sira maibé faze ida ne’e remata ona depois iha faze apresiasaun sei halo diskusaun ho doadores sira
“Husi rezultadu peskiza iha indikadór 8 ne’ebé identifika kuaze inseguransa liuliu risku iha fronteira tanba ne’e oinsá vulnerabilidade iha aspetu saúde ,edukasaun,” nia haktuir.
Nia akresenta atividade kona ba seguransa umanu iha fronteira iha aspetu seguransa umanu ida ne’e sira uza sasukat inkanal ne’ebé ONU uza indikadór 7 sai hanesan sasukat ida hodi halo avaliasaun ba iha seguransa área fronteira.
Peskizadór sira ne’ebé durante ne’e halo peskiza ba seguransa umanu iha liña fronteira iha membru profesór hamutuk na’in 4 hetan ajuda husi kolaboradór no enumeradór, balun finalista balun graduate husi UNTL
Jornalista : Domingas Viana
Editor : Orlando Magno
