(Dili) Mudansa – Serimonia Telkomcel Annual International Summit (TAIS) 2023 iha setór Teknolozia Informasaun & Telekomunikasaun Dizital atu fasilita no fahe koñesimentu ne’ebé kontinua dezenvolve husi varios tipu, atu promove kolaborasaun no envolvimentu reasaun fó koñesimentu kona-ba impaktu progresu teknolojia husi rekuperasaun sosiál ekonomia.
Selebrasaun aniversáriu Telkomcel ba dala 11 ho tema “Inovasaun ba Nasaun” nu’udar komitmentu reál iha Telkomcel hodi fó dedikasaun atu kontribui jornada transformasaun dijitál Timor-Leste sai nasaun dijitál.
CEO Telkomcel Benedictus Ardiyanto Priyo hatete, hanesan Plataforma hodi konstrui relasaun ne’ebé signifikativu no mós forma futuru indústria telekomunikasaun no dijitalizasaun iha Timor-Leste nu’udar sentru ba abilidade rekuperasaun dijitál, ne’ebé iha posibilidade la iha limitasaun.
“Hanesan ezisténsia ida ne’ebé reál, Inovasaun ba Nasaun, kontribui másimu hodi apoiu Ekonomia Dizital espesiál setór swasta liu husi teknolozia informasi & komunikasaun (ICT) ne’ebé ikus mai sai impaktu boot ba povu Timor-Leste,” dehan CEO Telkomcel liu husi komunikadu Imprensa.
Nia haktuir, Sermonia ne’e hanesan konversa komersiál husi oradór Permeiru Ministro Timor-Leste, Kayrala Xanana Gusmao, National Technology Officer Microsoft Indonesia, Mr. Panji Wasaman, no Chief Executive Officer PT. Telekomunikasaun Indonesia Intenrational (TELIN) no Moderador husi Mayfree Syari, presenter CNN Indonesia ho lema “Dijitalizasaun Nasaun hodi Aselera Rendimentu Enomia Digital Timor-Leste”
tuir diskusaun inspirativu hodi responde ba oportunidade sira no dezafiu ne’ebé iha hodi tranzmite varios ideia konstrutivu hodi fó Espirito kolaborasaun no aselera dijitalizasaun ekonomia inovasaun hodi halo dezenvolvimentu nasaun Timor-Leste espesiál setór infraestrutura telekomunikasaun no dijitalizasaun.
Komunikasaun Korporativa Telkomcel – TAIS 2023 hamosu solusaun 5G ho servisu internét IoT & Telkomcel ne’ebé kria servisu bazeia ba IoT atu responde ba nesesidade no fó solusaun ba SmartCity, SmartHome & SmartOffice no mós produtu balun.
“Ami nia apresiasaun ba kliente kooperativa, TAIS 2023 sei oferese prémiu ba kliente lealidade, kliente progressive & kliente admirado,” nia relata.
Husi serimónia nia objetivu hodi selebra loron ezisténsia Telkomcel ba dala 11, Telkomcel mós hakarak foka ba envolvimentu ami nia parseiru média ne’ebé fó ona tempu hodi hasa’e abilidade média liu husi Kompetisaun Jornalista Hakerek, ne’ebé sei fó prémiu osan cas & pulsa ba manán na’in 3, no prémiu ba jornalista sira ne’ebé mós partisipa ona iha kompetisaun refere.
“Telkomcel nafatin komitmentu ho prinsípiu hodi kontribui ba nasaun liu husi atividade sosiál ne’ebé ] durante ne’e hala’o, maka hanesan loke oportunidade servisu ba ema ho defisiente tanba servisu hamutuk no kolaborasaun ho Fundasaun Ahisaun,” nia deklara.
TAIS 2023 mós oferese prémiu ba ema sira ne’ebé inspirativu ne’ebé mak sei fó ba membru balun husi Fundasaun Ahisaun ne’ebé mak selesiona liu husi prosesu rekrutamentu no sai ona parte husi família boot Telkomcel. Serimónia refere sei taka ho atividade barak ho animasaun doorprize.
TAIS-Telkomcel Annual International Summit hanesan arte timoroan ne’ebé mak fó esperiénsia iha nivel internasionál ne’ebé iha relasaun Beleza kultura Timor-Leste. Tinan ida ne’e prezensa atmosfera kultura Tais (Tais Tradisional) husi Munisipio Bobonaro.
Telkomcel komitmentu nafatin promove TAIS iha mundu globál no fó apresiasaun ba feto eroi tomak ne’ebé mak kria ona hena tradisionál ne’ebé mak furak tebes.
Telkomcel nu’udar parte Telin komitmentu atu oferese servisu seluler no servisu internét broadband ho kualidade iha Timor-Leste ho tarifa ne’ebé kompetitivo.
Aleinde ida ne’e, Telkomcel mós fó servisu especial no solusaun komersiál ba kliente iha segmentu kooperativa Timor-Leste, liu husi Voice & Data.
Komitmentu Telkomcel hodi apoiu Ministeriu Transportasaun Komunikasaun liu husi programa Guvernu – IX Konstitusional pontu 3.7 kona ba Telekomunikasaun; “Guvernu sei esforsu hodi aselera servisu telekomunikasaun ho modernu ne’ebé mak halo konektividade iha komunidade Timor-Leste entre Timor-Leste no Mundo, aproveita másimu ho progresu telekomunikasaun mundiál, inklui produsaun, espalla no utiliza koñesimentu.
Mai ita hotu kontribui ba kresimentu ekonomia dizital nasaun liu husi tipo solusaun hodi responde kada problema ou dezafio tamba sempre iha solusaun.
Komunikadu Imprensa
