(Dili) Mudansa– Ministeriu Edukasaun(ME) liu husi Sekretáriu Estadu Ensinu Sekundáriu Jeral no Ensinu Tékniku Vokasional(TecVoc) sei abertura ezame Nasional periodu 2023 sei akontese iha loron 16 fulan outubru
Sekretariu Estadu Ensinu Sekundáriu Jeral no Ensinu Tékniku Vokasional(TecVoc), Domingos Lopes Lemos informa Ezame Nasionál iha Timor- Leste ba periodu tinan 2023 sei realiza iha segunda loron 16 outubro ne’e
Hanesan bainbain, Ezame Nasionál ne’ebé nu’udar parte integrante husi sistema Edukativa Timor-Leste sei realiza hamutuk no simultaneamente ba manorin sira iha klase da-sia (da-9) Ensinu Báziku no klase dasanulu resin-rua(da-12) Ensinu Sekundáriu, iha segunda-feira, dia 16 de outubro de 2023
Ezame Nasional ne’e reprezenta Timor laran tomak mak Sekretariu Estadu sei halo abertura iha Rejiaun Administrativa Espesial Oekusse Ambenu(RAEOA)
“Iha loron segunda feira Sekretáriu Estadu sei abertura RAEOA laos abertura ne’eba de’it maibé hot-hotu sei fahe ba munisipiu hotu para abertura para akompania prosesu ezame nasionál ne’e iha kada munisipiu tuir kalendario (ME) iha dia 13 outubro sei distribui pontus de Ezame Nasionál ba Munisipiu,”Dehan Sekretáriu Estadu ba jornalista liu husi Komferensia Imprensa iha salaun VIP Ministéru Edukasaun Vila Verde Dili, Kuarta(11/10/2023)
Nia haktuir Eventu Ezame Nasionál mak momentu importante ida ba estudante sira,implementasaun Ezame Nasionál sei fó vizaun jerál kona-ba manorin sira-nia rezultadu aprendizajen, Avaliasaun ida ne’ebé di’ak fornese informasaun kona-ba saida mak alkansa ona no oinsá atu mellora liutan aspetu sira ne’ebé di’ak ona.
Tamba Manorin mak nu’udar komponente fundamentál ba prosesu aprendizajen no Manorin nia kapasidade atu komprende hodi tranzmiti koñesementu sei iha impaktu di’ak ba manorin nia komprensaun.
“Ba Ezame Nasionál tinan ida ne’e, ha’u enkoraja ita-boot sira, atu bele kopera ho inan-aman hodi prepara oan doben sira hodi tuir Ezame Nasionál no bele hetan valor ne’ebé di’ak, Espesial ba manorin doben sira, finalista klase da-9 no da-12,” Nia afirma
Aproveita tempu Sekretáriu Estadu mós husu ba estudante sira atu prepara aan ho di’ak atu tuir Ezame Nasionál ho rezultadu aprendizajen durante tinan 9 iha Ensinu Báziku no tinan 3 iha Ensinu Sekundáriu sei sukat liu husi Ezame ne’e, hodi hatudu aan, nu’udar ema ne’ebé kompetente iha dixiplina sira sujeita ba Ezame Nasionál.
Nia mós fo hela lia menon ba inan-aman sira hamutuk ho manorin sira hodi kria ambiente ne’ebé trankilu no konfortável ba oan sira atu estuda iha uma, tamba nu’udar inan-aman no enkaregadu edukasaun, presiza evita situasaun ruma ne’ebé bele perturba estudante sira nia preparasaun hasoru Ezame Nasional
“Halo orgullu imi-nia aan, imi-nia inan-aman no imi-nia manorin sira, Orgullu ho imi-nia rezultadu iha Ezame Nasionál, ne’ebé imi hetan ho onestu no integridade, Ministerio Edukasaun, esperansa estudantes sira bele hetan rezultadu ne’ebé brillante iha Ezame Nasionál, hatudu katak, imi bele liu iha Ezame Nasionál ho susesu,”nia relata
Entretantu, Total Estudante ne’ebé mak sei partisipa iha Exame Nasional hamutuk 56.495 husi numeru ne’e kompostu husi Ensinu Báziku ka klasse nunu anu(9°anu) ho total 29.100, Ensinu Sekundáriu Jeral klase desimu segundu(12°) ho total 23.256 no Ensinu Tékniku Vokasionál ho total 4.142 ne’ebe mak prontu ona atu tuir Ezame Nasionál ne’ebe sei akontese iha loron 16 agora.
Jornalista: Gaudensia Belo
Editor. : Orlando Magno
