(Dili) Mudansa – Eskola distansia dook husi uma sai preokupasaun ba estudante ho naran Jeremias Caunan ho klase 4° anu deside hapara nia estudu hodi buka moris iha kapital Timor Leste liu husi fa’an manu-tolun lor-loron.
Iha ne’ebe eskola ho naran Ensinu Báziku Filial Noinabikase ne’ebé lokaliza iha Noinabikase, Sub rejiaun Pante Makasar, Rejiaun Administrativu Espesiál Oekusi Ambenu (RAEOA)
Iha Entrevista Jornalista Midia Mudansa ho Jeremias hodi konta tuir katak,antes ne’e eskola besik iha Maunaben maibe eskola ne’ebe besik sira, nakfilak ba Ensinu Sekundaria entaun obriga sira tenke la’o ain ho distansia ne’ebe dook husi Maunaben ba to’o Noinabikase hodi ba aprende.
“Eskola iha ne’ebá loloos komunidade Maunaben eskola iha Pune nian de’it, problema ba ami tamba eskola ida iha ne’ebá maibé agora sira uza fali ba Eskola Sekundariu Jerál (SMA),tamba ne’e hakarak lakohi ami tenke eskola iha Noinabikase,”Dehan nia ba Média Mudansa iha Largo Lecidere, Kuarta (11/10/2023)
Nia haktuir, Tamba eskola ho distansia dook husi uma mak nia deside hakotu nia prosesu aprendijazem iha de’it 4° anu
Nia konta eskola iha ne’ebá ho klase 4° Ano, ezame primeiru periodu ho segundu nian konsege tuir maibé ezame final la pasagem de klasse nia la tuir tamba deside mai tiha Dili.
“Ha’u sai iha kelas 4, tanba dalan dook liu, husi kedas Maunaben to’o Noina Bikase ne’e dook loos, loron loron ami la’o de’it, kolen ona ho dalan ne’e maka buka meus mai tiha Dili, ha’u mai ne’e mós apa ho ama la fó hatene, ha’u to’o tiha ne’e maka telfni ba sira,”Tenik nia
Enkuantu,atividade ne’ebé Jeremeas hala’o lor-loron maka fa’an manu tolun, nia maun sosa hodi fó nia abin hader jam 4 maka prepara hodi daan no tuku 07:50 dadersan ba leten maka Jerimeas ba fa’an hale’u Dili laran
Iha Dili Jeremeas hela iha ai-tarak laran, hahu sai fa’an iha tuku 7:00 ba leten, kada loron nia lori raga rua (2) sei ne’e hotu nia hetan osan hamutuk $15.00 dólar
Entretantu, rute ne’ebé Jerimeas fa’an maka la’o husi Ai-tarak laran liu husi Tasi ibun Pantai Kelapa, Palásiu Governu nia oin to’o Largo Lecidere.
Jornalista: Mariano Do Santos Abi
Editor : Orlando Magno