Governu Kontente Ho Programa Feira Emprendedorizmu Foin-sa’e 2023

banner 120x600

(Dili) Mudansa – Ministru Comersio Industria (MCI), Filipus Nino Pereira nia parte haksolok tebes bainhira partisipa iha selebrasaun ba joven Timor Leste futuru nasaun nia ne’ebé sai kriadór ba empregu iha Timor-Leste.

Ministru Filipus Nino Pereira hateten bainhira abertura feira Emprendedorizmu Foinsa’e 2023 ne’ebé organiza husi MCI, Korea International no Cooperation Agency (KOICA) no (UNDP) iha Timor Plaza Kuarta feira, 18/10/2023.

“Ha’u haksolok ba eventu ne’ebé mai ho tema joven nudar ajente ba mudansa hasae kriasaun empregu no promove diversifikasaun ekonomia liu husi inovasaun no emprendedorizmu ne’ebé sai topiku ba ita hotu,” Hateten Ministru MCI Nino liu husi nia diskursu, iha Timor Plaza.

Kona-ba apoiu joven emprendedorismu sira ho onra ba motivasional oinsa governo apoia joven feto no mane atu rekupera bainhira haree ba ekonomia global atual krizi no konflitu sira.

Harii ezilensia komunidade no asegura seguransa ai han presiza hametin setor komersiu produktivu sira partikularmente agrikuktura no seguransa ai-han iha programa nonu governu konstituisional nia politika prinsipal ne’ebé atu adopta iha nia mandatu.

Governu iha estratezia hodi identifika valor nasional konaba ekonomia liu husi promosaun ba dezenvolvimetu sustentavel oinsa fo impostu ba kresimentu ekonomiku no ba kriasaun kampo servisu halo balansu entre atividade ekonomiku ho kapasidade ekosistema oseaniku nian.

“Governu kompromete atu dezemvolve politika komersial ne’ebé promove sirkulasaun produsaun liu husi faan produtu sira iha nivel nasional no intrnasional nune’e aumenta no dudu kresimentu industrial,” nia afirma.

Nia deklara, Kresimentu nee sei implementa medida regulatoriu no politika extensaun merkadoria inklui estratezia marketing no relasaun publika atu promove Timor Leste no ninia produtu sira iha mundu internasional.

Iha fatin hanesan Country Director KOICA Eunju Cha relata, apresia ba estadu Timor Leste ho NUDP nia kontribuisaun ba kria eventu ohin loron nian KOICA kontribui ona ba Timor Leste desde 2022 liuliu iha area joventude no mós emprendedorismu.

“Objetivu husi eventu ohin loron nia atu hasa’e kapasidade joven nian hodi servi ba nasaun no mós mensajen ba joven sira atu fiar an nune’e bele lori ita nia nasaun ba oin,” Dehan, Country Director KOICA

Jornalista : Esperança Monteiro Soares

Editor        : Orlando Magno

banner 325x300