(Dili) Mudansa – Joven Timor oan ida mai ho hanoin kreativu no inovativu ne’ebé nakonu ho inspirativu hodi transforma tua mutin ba Tua Whisky lokál no konsege fó ona servisu ba joven balu hodi hamenus númeru dezempregu iha rai laran.
Joven kreativu ne’ebé transforma Tua mutin ba tua Whisky lokál ne’e mak ho naran Tores Vidigal ho idade 34 ne’ebé orijen husi munisípiu Likisa.
Tores Vidigal nu’udar nu’udar na’in ba Whisky Lokal konta, antes atu halo Whisky Lokal vidigal buka referénsia barak kona transforma tua mutin nakfilak ba Whisky Lokal, to’o ikus konsege iha duni rezultadu tanba ohin loron ema barak konsumu ona whisky lokál.
“Iha tinan 2 liu ba ha’u konsege halo instalasaun Transforma tua mutin ba Whisky Lokal aleinde ne’e ha’u mós hetan ona dokumentus legál husi parte relevante,” dehan Tores ba jornalista média Munsa iha Timor plaza 18/10/2023.
Vidigal harii kompañia ho naran Tores Deoto Vidigal Unip.Lda hahú iha tinan 01/10 /2017 ne’ebé lokaliza iha munisípiu Likisa no daudaun ne’e fó ona servisu ba ema na’in 10 kompostu husi mane 8 no feto 2.
Vidigal hahú halo atividade negósiu tua mutin hahú husi 2020 to’o ohin loron, nune’e mós iha tinan 2022 Vidigal hetan terseiru lugár iha kompetisaun negósiu inovativu.
“Ema ne’ebé servisu ho ha’u hamutuk na’in 10 kompostu husi mane na’in 8 no feto na’in 2 husi mane na’in 8 ne’e mane na’in 2 mak permanente na’in 6 bazeia liu ba sira nia produtu,” nia afirma.
Nia dehan, prosesu atu halo tua mutin tenke te’in tiha hafoin ba tua-sabu nune’e bele halo teste tua-sabu depois halo produsaun hodi halo fila fali instalasaun ba tua ne’e sai fali fermentasaun.
“Baibain uza sanan tau tua mutin depois halo instalasaun nune’e ita bele hetan transparénsia Ita te’in loron ida de’it nia sai ona tua whisky lokál hotu ita rekolla depois haree tua nia kualidade kualidade,”nia konta
Nia haktuir, ko’alia kona-ba Rendimemtu ne’e, depende konsumidór(a) maibé rendimentu ne’ebé di’ak bainhira ema balu realiza festa kazamentu entaun ita bele dehan katak sufisiente.
Osan ne’ebé Vidigal hetan husi Whisky Lokal balu uza ba nesesidade no balu sosa sasán produsaun tanba planu ba oin nia hakarak distribui Whisky Lokal ba territóriu Timor laran tomak, depois halo esportasaun ba rai li’ur.
Nia hatete, Vantajen husi Whisky la’o ba ema ida de’it maibé vantajen liu ba komunidade sira ne’ebé ko’a tua tanba tuir Vidigal nia peskiza katak, tua ne’ebé ema la sosa sira sempre estragus.
“Sira ne’ebé servisu hamutuk ho ha’u ne’e iha rendimentu ka saláriu boot tebes tanba ha’u fó sira kada ema ida depende ba sira ko’a tua, se loron sanulu sira bele hetan $.200.00 entaun fulan ida sira iha direitu tomak atu hetan $.600.00 karik sira badinas ko’a tua,” nia afirma
Jornalista : Domingas Viana
Editór : Orlando Magno
