(Dili) Mudansa – Organizasaun Naun Govermental Aliansa Nasional Kontra Infantisidu Timor-Leste (ANCI-TL), husu ba parte Igreja, Ministeriu Edukasaun no Ministeriu Saude atu apoiu Edukasaun morál ba joven feto no mane hodi halo prevensaun ba aktu inmoral ne’ebé kontinua akontese.
Liu husi Komferensia Imprensa, Diretor Ezekutivu ONG ANCI-TL José Turky konta, iha tersa feira 03/10/2023, Oras 11:11 kalan ema deskoñesidu soe bebé mane ida iha suku Motael besik igreja Motael nia kotuk, bebe ho kondisaun mate no mós akontese iha Fahiria Munisipiu Aileu.
Hare ba asaun violasaun bebe nia vida ne’e mak ANCI-TL konsidera hanesan aktus extra ordinariu ne’ebe prejudika tebes estabilidade umanu hodi hafraku fidelidade umanu sosial ekonomika
“Husu Relijiozu sira atu apoiu mos Edukasaun moral no Amor da Vida ba Joven feto mane hodi hasa’e koinesimentu oinsa hado’ok aan husi tentsaun mundu nian, liliu pratika soe bebe, ne’ebe nai haraik ba feto ho mane ida liu husi relasaun domin,”Dehan Direktor iha salaun konferensia FONGTIL Kaikoli Dili, kuarta (18/10/23).
Nia dehan, ANCI-TL konsidera asaun ne’e hanesan viola Bebe nia Liberdade moris no forma deskriminasaun kontra umanidade ba baze legal sira ne’ebé vigora hela.
Maibé haree ba asaun viola Bebe nia vida ne’e konsidera hanesan aktu extra ordinariu ida ne’ebé mak prejudika tebes estabilidade humanu hodi hafraku fidelidade sosial ekonomika no kultural
Tanba, sira nia prioridade tolu, advokasia ba parte relevantes sira sosiedade no parte Relijoju atu bele armonia traballu mutual ne’ebé garante sosiedade seguru no livre hodi kombate kazu soe bebé iha Timor-Leste.
“Ami husu ba Ministerio Edukasaun (ME) no Ministerio Saude (MS) mak Xavi atu hola Papel adekuadu atu bele halo prevensaun ba aktu inmoral ne’ebé akontese iha fatin-fatin,”Tenik nia
Rekomendasaun husi ANCI-TL ba Estadu liu-liu ba órgaun fiskalizadór Parlamentu Nasional (PN) halo ona revizaun ba kódigu Penal artigu 142, razaun tanba artigu refere deskrisaun hatur penalidade ba feto, juridikamente la kriminalidade autor mane.
Nune’e mós sira husu ba autoridade Polisia Nasional Timor-Leste (PNTL) Munisipiu Dili nafatin buka tuir autór ne’ebé mak halo asaun viola bebé nia vida hodi submete ba dalan legál.
Entretantu, ba Media Eletroniku,Imprimi, Oneline hola papél hodi transforma informasaun fatual, kredivel hodi hasa’e Koñesimentu sosiedade luta hodi elimina kazu soe Bebe iha Timor Leste.
Jornalista : Esperança Monteiro Soares
Editor : Orlando Magno
