(Aileu) Mudansa – Celestina Tilman hakarak kandidata an ba Xefe Suku Hoholau ba períodu 2023–2030 iha Postu Administrativu Aileu Vila munisípiu Aileu, tanba bazeia ba esperiénsia lubuk ne’ebé Celestina iha.
Celestina Tilman husi munisípiu Aileu Suku Hoholau Aldeia Aslimhati no nia estudu iha Institute of Business (IOB) Lisenciatura iha Economia departamentu kontabilidade no graduasaun iha 2020.
Celestina konta, Antes atu kandidata an ba Xefe Suku ne’e Celestina hanesan Servisu sekretáriu ezekutivu Vise Ministru Turizmu maibé Aleinde ne’e Celestina mós servisu iha Organizasaun Non Governmental (NGO) PLAN International hanesan admin asiten inklui servisu voluntáriu iha Worvision hanesan data enter ba labarik sira iha munisípiu Aileu.
“Nu’udar joven foin sa’e labele ta’uk atu foti desizaun tenke prontu no koko buat ne’ebé ita bele, Se iha kapasidade tenke promove ita-nia an tanba feto mós bele joven mós bele labele hare de’it ferik-katuas no veteranu sira,” Dehan Kandidata Chefe Suku Hoholau Celestina Tilman ba jornalista média mudansa liu husi via telefone, Kuarta 4/10/2023.
Kandidatura Celestina informa, Dala barak iha Timor-Leste hare mane de’it mak halo servisu iha lideransa tomak seidauk iha feto ne’ebé suporta sira nia an motiva sira nia an atu kandidatu Xefe Suku no hare ba nivel porsentu ki’ik loos 5% de’it.
“Ha’u hakarak atu kandidata an ba Xefe Suku bazeia ba esperiénsia Servisu ne’ebé mak la’o hamutuk ho Vise Ministru Turizmu komunitáriu kulturál ha’u iha inspirasaun makas atu kandidata an ba iha Xefe Suku ba lideransa komunitáriu hanesan mós feto.” Nia relata
Celestina Iha programa rua Misaun no Visaun, Misaun mak sei kolabora parte kompetente hotu-hotu bele hadi’a aspetu sosiál no aspetu ekonomia Suku laran sub- programa mak fortalese ekonomia lokál kooperativa Turizmu sustentavel no kapasitasaun iha negósiu.
Dezenvolve infraestrutura hadi’a estrada entre aldeia Sentru komunitáriu infraestrutura baziku iha Suku Hoholau promove inkluzaun no diversidade entre kulturais seira apoia sensivilidade ba membru komunidade defisiente idozu no vulneravel sira.
Inkluzaun viodiversidade eventu kulturais apoiu grupu minoritarius sensibilidade Involvimentu Siviku mak reuniaun komunitáriu harii komité planeamentu hasa’e Partisaun joven iha Planu no ezekusaun atividade iha suku.
Vizaun mak kria komunidade iha rejilente promove igualdade solidariedade no sustentavel ba Suku Hoholau.
“Se karik komunidade fó konfiansa mai ha’u atu sai Xefe Suku Hoholau prioridade ne’ebé halo uluk mak hadi’a atendimentu públiku, halo koordenasaun ho veteranus no lideransa komunitáriu tomak hodi hare programa ne’ebé Xefe Suku antes ne’e halo ona maibé la fó benefísiu ba povu,” nia afirma.
Aleinde programa ne’e Celestina sei marka audiénsia iha Administrador Postu sira hodi hato’o situasaun reál Suku ne’e infrenta nune’e ba to’o iha nivel altu sira hodi rona povu nia lian iha Suku ne’e.
Nia deklara, Se karik la manán iha eleisaun Suku nafatin agradese tanba iha (NGO) barak ona promove feto nu’udar lideransa komunitáriu no sei apoiu tomak kandidatura sira seluk karik eleitu ba Xefe Suku suporta ba iha programa sira ne’ebé mak sira iha.
“Husu ba Joventude keta haluhan iha dia 28 Outubru vota ba Celestina Tilman tanba lori programa Ida misaun no vizaun ho moto ne’ebé mak promove ho hadi’a di’ak liu tan iha Suku laran Hoholau ne’e,” Nia Hakotu
Jornalista : Gaudencia Belo
Editór : Orlando Magno
