(Jakarta) Mudansa – Prezidente Repúblika Indonézia, Joko Widodo (Jokowi) no Primeiru Ministru Timor-Leste, Kay Rala Xanana Gusmão hala’o enkontru bilaterál hodi diskute komprimisiu Indonézia kontinua apoiu rekursu umanu no ekonomia Timor-Leste hola parte nu’udar membru Association of Southeast Asian Nation (ASEAN).
Média Mudansa sita iha média Gabinete PM Xanana katak, durante reuniaun Bilaterál iha Palasiu Prezidensiál, Jakarta, 04/09/2023, Prezidente Repúblika, Indonézia, Joko Widodo agradese bele hasoru malu no kongratula Xanana no membru tomak ne’ebé eleitu iha eleisaun demokrátiku no simu pose foin lalais ne’e.
“Indonézia ho Timor-Leste nu’udar nasaun maun alin, nune’e ita-nia kooperasaun tenke hametin liu tan. Ha’u hakarak informa asuntu tolu, primeiru kona-ba Timor-Leste sai membru iha ASEAN, Indonézia sempre ajuda ho aplikasaun TL atu sai membru no kapasita rekursu umanu ba sintomasdelsida.org Governu sira ne’e importante,” dehan PR Indonézia Jokowi.
Prezidente Jokowi dehan, Indonézia no Timor-Leste sei kontinua serbisu hamutuk, hodi ajuda rekursu umanu no setór ekonomia no dezenvolvimentu infraestrutura Timor-Leste.
Iha fatin hanesan, Primeiru Ministru Xanana hato’o uluk obrigadu barak ba Prezidente Joko Widodo hodi konvida nia partisipa iha forum Association of Southeast Asian Nation (ASEAN) Business & Investment Summit 2023 ba dala 43 iha Jakarta-Indonézia.
“Ha’u hato’o obrigadu barak ba PR Indonézia ne’ebé fó konvite mai ha’u, ha’u orgullu tebes, hanesan Prezidente dehan ne’e loos, katak ita maun alin no durante atendimentu ne’e di’ak tebes, ita hanoin katak ida ne’e tenke metin liu tan,” PM Xanana dehan.
Xefe Governu ne’e mós kongratula Estadu Indonézia ne’ebé sai uma na’in hodi organiza forum ASEAN Business & Investment Summit ne’ebé konvida Xefe Estadu no Xefe Governu nasaun 26 inklui Timor-Leste hola parte nu’udar observadór atu bele aprende matenek hosi nasaun membru sira.
Aleinde PM Xanana to’o Palásiu Presidente Indonézia simu ho parede militár kontinua kedas ba sala’o hasai fotografia no asina livru de onra hodi kontinua hala’o kedas enkontru bilaterál.
Enkuantu, vizita PM Xanana akompaña direita husi Vise Primeiru Ministru no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres, no Sekretaria Estadu Asuntu ASEAN, Milena Rangel.
PR Jokowi akompaña hosi Ministra Negosiu Estranjerus, Retno Lestari Prinsari Marsudi, Sekretaria Gabinete, Pramono Anung, Menki Polhukmam, Mahfud MD, no Ministru Agrikultura, Syahrul Yasin Limpo.
Jornalista : Mariano Do Santos Abi
Editor : Orlando Magno
