Marquita Ajuda Katuas Oan Loke Kantina Hodi Sustenta Família Uma Laran

banner 120x600

(Dili) Mudansa–Ezijensia uma laran nogosiante Marquita Pinto loke Kantina hodi  ajuda nia katuas oan, sustenta família uma laran, no mós haree oan sira nia eskola kada lor-loron

Negosiante Marquita Pinto komesa loke Kantina iha loron 25 fulan Abril tinan 2022, komesa loke ona konaba ha-han no hemu nia no mós bebidas sira ne’ebé midar, bainhira Marquita sidauk mai loke iha Caicoli EDTL nia kotuk ne’e, nia tein uluk nasi-bunkus iha uma hodi fa’an.

“Ha’u mai fali iha ne’e ha’u loke Kantina ida ne’e, senti di’ak ajuda ha’u nia keluarga no katuas oan hodi sustenta família uma laran no mós selu oan sira nia eskola ne’e,” dehan Nogosiante Marquita Pinto ba jornalista Meloron Mudansa iha nia fatin negósiu EDTL Caicoli quarta, 6/09/2023.

Nia sublina, konaba negósiu ne’e motivasaun husi katuas oan mak fó motiva hodi halo negósiu ida ne’e atu nune’e bele sustenta família uma laran nian ne’ebé mak presija.

Difikuldade ne’ebé mak negosiante Marquita hasoru mak kuandu ema tama barak entaun hetan redimemtu di’ak maibé ema tama mai ladun barak entaun redimemtu mós tuir ida ne’e, maibé komfórme ema tama mai atu han ne’e, karik pesan barak ga oituan rendimentu mós tuir ida ne’e hotu.

Produku lokal ne’ebe Negosiante Marquita Fa’an

“Negósiu ne’ebé mak ami fa’an iha Kantina ne’e mak dadersan kafé no hahan tradisionál mak, talas feuk midar, aifarina iha ne’e mós paun tau mantolu sona iha laran no mós iha meudia mós prepara hahan hansan etu ho modo no modo kada loron ami sempre troka hanesan loron ohin móstarda ho ikan, entaun aban tenke troka fali modo ne’e,” Nia afirma

Nogosiante Marquita relata tan, durante halo negósiu ne’e selu ba oan sira nia eskola no negosiante Marquita nia oan hamutuk nain 6 no kada loron ida fó osan ba oan sira $1 dolar hodi sira lori ba eskola.

“Ha’u loke Kantina ne’e ho osan montante $1,500.00 hodi sosa sasan tau iha Kantina ne’e to’o ohin loron kada vez hetan $100.00 ou $50.00 entaun $50.00 ita rai $20.00 balun rai ba sosa fali sasan Kantina nian no restu ne’e ba família uma laran nian presija,” dehan negosiante Marquita

Negosiante Marquita ne’e iha hanoin atu loke tan Kantina ne’e ba oin, tanba kada loron ema mai barak fatin tur la iha entaun sira hamrik de’it, tan ida ne’e ba ohin Kantina ne’e sei loke luan tan ba oin atu nune’e ema mai karik lalika hamrik tan.

“Ha’u loke Kantina ne’e la iha osan ida atu kredit maibé durante halo negósiu iha uma mak osan rai osan $10 ou $20 tau ba kofre to’o loke kofre hetan $400 no katuas oan aumenta mak ami fóin loke Kantina ne’e, no mós Kantina ne’e ami rejista ona iha parte revante sira,” Nia esplika

Mensajen Negosiante Marquita Pinto Liameno ba joven no kolega feto sira katak lalika moe no lalika ta’uk halo bisnis saida de’it, no labele garantia demais ba lnan Aman, maibé koko esfórsu nafatin bisnis saida de’it mak iha hala’o, lalika moe no lalika tauk, tanba husi bisnis ida ne’e mós bele ajuda lnan aman sira ne’ebé kbi’it la iha no mós bele ajuda família uma laran nian.

Jornalista: Gaudencia Belo

Editór: Felisberto F. da Costa

banner 325x300