(BAUCAU) Mudansa- Sarani Doicese Baucau sente kontente tebes tanbá tinan ida resin, sira la iha Bispu, parokia hanesan oan ki’ak maibé ohin sira hetan fila kontente ne’ebé nakonu ho hamnasa tanbá iha ona Bibi Atan ida ne’ebé sei tau matan ba sira ba tinan naruk nia laran.
Bispu fóun Dom Leandro Maria Alves simu ordenasaun nu’udar Bispu ba sarani Diocese Baucau iha loron rua nulu resin ida fulan julhu tinan rihun rua rua nulu resin tolu (21/07/2023)
Iha Homília, Cardeal Dom Virgilio do Carmo da Silva hateten, Missaun ne’ebé ita halo di’ak lor-loron mak ita sei hetan moris rohan laek, Kristu nia mate mak fundamentu ba ita nia fiar. Ita nia Maromak mak nain Maromak ida ne’ebé besik liu ita no sei la husik ita iha situsaun hotu. Tan lakohi la’o lakon dalan Maromak haruka nia oan mane hodi mai moris hamutuk ho ita.
Tanbá ne’e nia husu ba sarani sira nafatin fiar iha sira nia orasaun, nafatin halo orasaun ba Mahein Diocese Baucau atu proteje nafatin sarani sira iha situsaun saida de’it.
Nune’e, iha diskursu Bispu Dom Leandro haktuir, katak saida mak sarani sira hein husi Bispu no mós saida mak Bispu atu halo mak sei fó a’an tomak lolos no hakbesik a’an ba Sarani sira.
“Ha’u fiar katak durante ne’e imi hein hela saida mak imi buka no hakarak, ida agora dadauk hamrik iha oin mak ita bo’ot sira nia reinu, ha’u sei hakas a’an tuir imi nia hakarak, buat ne’ebé durante ne’e imi husu mak ema ida ne’ebé fó a’an tomak ba Maromak no sai Bibi Atan ne’ebé di’ak ba Matomak no ba Imi. Baucau 21/07/2023 Dehan Bispu Dom Leandro iha nia Diskursu Katedral Baucau
Nia haktuir tan katak, nia sei la serbisu mesak maibé sei iha religiosu no mós religiosa sira ne’ebé sei hamutuk ho nia
”Ha’u fiar katak ohin ha’u iha ona imi nia le’et ha’u sei la serbisu mesak, imi simu ona ha’u ha’u fiar katak sei iha ema ne’ebé mak servisu hamutuk ho ha’u liu-liu religiosu no religiosa sira no mós sarani sira iha Diocese Baucau”.tenik nia.
Iha fatin hanesan sarani Diocese Baucau Sra. Ligia Sarmento hateten, sarani Diocese Baucau sente kontente tanbá durante ne’e ida ne’ebé sira hein hela, ohin to’o ona iha sira nia le’et, sira agredese tebes tanbá tinan ida ne’e iha ona Bispu ba Diocese Santo Antonio
”Ha’u sente kontente tebes tanbá tinan ida resin ami la iha Bispu no ami sente triste tanbá ami nia parokia hanesan oan ki’ak ida maibé ohin loron ami sente kontente tebes nakonu ho hamnasa tanbá iha ona Bibi Atan ida ne’ebé sei tau matan ba ami durante tinan naruk nia laran.”Dehan Ligia ba Jornalista Media Mudansa iha Kaderal Baucau 21//07/2023
Entretantu, partisipa iha missa ordenasaun ne’e mak presidente da Republika, Presidente Parlamentu Nasional, deputado/a sira, Defeza no seguransa hanesan F-FDTL no PNTL Familia husi Bispu no mós sarani sira husi Diocese tolu, Arke Diocese Dili, Diocese Maliana no Diocese Baucau
Jornalista : Remigia Locateli
Editór : Felisberto
