(Dili) Mudansa – Ministra Edukasaun Dulce Soares hateten, Ministeriu Edukasaun (ME), iha programa VIII Governu Konstituisional kontinua garante prosesu aprendizajen iha eskola sira no mos sei hamosu buat foun nunee sai kualidade liu tan.
“Saida mak seidauk kompleta ami kompleta, ida ne’e prioridade, maibé ami sei hamosu buat foun balu bazeia ba ezistente agora nune’e Timor oan hotu tenke asesu Edukasaun ida ne’ebé ho kualidade.”Dehan Ministra Edukasaun Dulce Soaresba jornalista iha ME Vila-Verde Dili Segunda,(03/07/23).
Ministra ne’e akresenta, Sei reativa eskola ba uma ne’ebé eziste ona, karik labarik hotu asesu ba livru fisikamente posivel asesu eletrónika di’ak liu tan.
Edukasaun ne’e dala barak ema haree liu ba fisikamente halo tan eskola foun, maibé la tau atensaun ba labarik sira iha eskola laran lee, hakerek hatene ka lae? ida ne’e mak sai baze nia bele kontinua Edukasaun ida sai forte liu tan.
“Ami tenke halo avaliasaun tanba husi rezultadu avaliasaun maka bele fó desizaun mai ita atu halo saida, ita labele mai ho desizaun sem avaliasaun,” Nia hakotu.
Entretantu Iha semana ne’e Ministra Edukasaun no Sekretariu Estadu Ministeriu Edukasaun sei tun ba eskola halo enkontru ho Diretor Munisipiu, atu rona saida maka durante ne’e eskola hasoru no saida mak sira presiza halo, nune’e tempu badak prosesu aprendizajen la’o ho di’ak.
Jornalista : Delfina Borges
Editór : Orlando Magno
