(Dili) Mudansa – Ministru Edukasaun Sesante Armindo Maia hato’o Rekomendasaun lubuk ida iha dokumentus ne’ebé entrega ona ba iha Ministra Edukasaun foun no Sekretariu Estadu Edukasaun Ensinu Sekundariu Teknika Vokasional liga ba Infraestrutura Edukasaun nian.
“Ami rekomenda nafatin, haree ba Infraestrutura edukativus, ita inaugura ona eskola hamutuk 160 no eskola hamutuk 70 besik remata ona no eskola 100 resik lansa ona primeira pedra, maibé iha Timor laran sei hela eskola hamutuk 300 resin mak sei presiza hadi’a, infraestrutura edukativu.” Dehan Eis Ministru Eduksaun Armindo Maia iha ME Vila-Verde Dili, Segunda, 03/07/2023.
Ministru sesante ne’e afirma, liga ba kadeira no meza jogus hamutuk rihun 20 ne’ebé planu ba tinan 2024 espera sufisiente.
“Lei 4 ne’ebé prezidente promulga tiha ona iha Jornal Republika dekretu lei Pre-eskolar, karreira Dosente, Ensinu sekundáriu no Tekniku vokasionál ami nia esperansa bele implementa tanba ida ne’e bein estár profesór sira nian,” Nia Sublina.
Jornalista : Delfina Borges
Editór : Orlando Magno