(Dili) Mudansa – Sekretáriu Estadu Politika Formasaun Profisionál no Empregu (SEFOPE) husu Timor oan neebe aplika ona vaga online Australia lalika laran taridu tanba vaga refere iha hela prosesu nia laran.
Asuntu nee hatoo husi Sekretáriu Estadu Formasaun Profisionál no Empregu (SEFOPE) Rogério Araújo Mendonça ba jornalista sira iha Suai Room Timor-Plaza Dili, Tersa,(25/07/23).
“Vaga online Autralia nian ne’e agora iha prosesu nia laran, tanbà ne’e husu ba Públiku lalika laran taridu no lalika hakfodak tanba ami kria kondisaun ne’ebe mak diak ba joven sira.” Sekretáriu Estadu Rogério rekomenda.
Governante ne’e akresenta, Joven barak ne’ebe konkore (aplay) vaga mak sei pendente hela to’o agora, tanba kapasidade no abilidade ne’ebe empregador sira presija ne’e balu la prense tuir kriteria no politika ne’ebé iha.
“SEPFOPE uza hodi halo ba oin sei identifika fila fali sentru formasaun sira kada munisípiu atu nune’e servisu hamutuk ho Embaixador Australia nian ne’ebe mak hasoru malu ona iha semana kotuk hodi identifika area saida mak prioridade fo formasaun hodi koresponde ba iha merkadu Australia nian.” Nia hakotu.
Jornalista : Delfina Borges
Editór : Orlando Magno
