(Dili) Mudansa – Diretor Ensinu Sekundariu Geral Privadu (ESGP) Cristal Rafael Sabio husu ba inan-aman husi estudante sira, atu halo klarifikasaun ba alunus hirak neebe la tuir ezame segundu periodu tinan escolar 2023.
Preparasaun ba iha ezame 2o periódu ida ne’e hahú iha loron 02 fulan Maiu to’o iha loron 18 fulan Jullu tinan ne’e nune’e estudante sira ne’ebé maka tuir ezame iha tinan ida ne’e hamutuk 1.131 maibé sira ne’ebé tuir ezame maka 887.
Diretór Ensinu Sekundaria Jerál Privadu (ESGP) Cristal, Rafael Xabio informa, total estudante husi 10o-12o ano hamutuk nain 1.131 maibe estudante sira nee 887 mak tuir ezame no mos estudante 244 mak la tuir ezame segundu period.
Estudante 12°-Ano hamutuk na’in-395, ne’ebé tuir ezame na’in-302 na’in 93 la tuir ezame, estudante 11°-Ano hamutuk na’in-368, tuir ezame na’in-302 la tuir ezame nain 66, no mos estudante 10°-Ano hamutuk na’in-324 maibé estudante 277 maktuir ezameno 47 la tuir ezame.
“Sira ne’ebé mak la tuir, lá’os ami husi eskola mak hasai, maibé presiza sira nia inan aman nia prezensa hodi halo klarifika, tanba saida maka nia la tuir ezame, nunee sir abele tuir fali ezame iha parte segundu xamada neebe sei realiza iha 01-04/08/2023,” Diretór Rafael Xavio informa ba Média Mudansa iha nia serbisu fatin Cristal Balide Dili, Tersa 25/07/2023.
Nia realsa, ba sira ne’ebé la tuir ezame, tanba parte eskola rona balu inan-aman dehan, transfere sira ba eskola seluk, balu kondisaun saude no finanseiru, nune’e parte eskola nia data fixu iha loron 01 to’o 04 fulan Agusto.
“Sira nafatin tuir ezame, karik inan aman mai ko’alia atu hasai bele, maibé ba eskola nian la iha direitu atu hasai estudante se deit,” nia esplika.
Antes nia hakotu, husu ba estudante sira ne’ebé la tuir ezame iha ESGP Cristal, em prinsipiu Diretór ESGP Cristal sei la’o tuir xamada ne’ebé Fundasaun Cristal fó katak, sei fó segundu xamada iha loron 01 to’o 04 fulan Agusto tinan ne’e.
“Ho ida ne’e, karik estudante sira iha difikuldade ruma hato’o ba inan aman, hodi hasoru Diretór atu buka dalan nafatin tuir ezame, bazae ba orariu ne’ebé estabelese ona, maibé nafatin fó hanoin ba inan aman mai hamutuk ho Diretór atu fó kontratu ba profesór sira,” nia hakotu.
Jornalista : Mariano Do Santos Abi
Editor : Orlando Magno
