(Dili) Mudansa – Prezidente Parlamentu Nasional sesante Aniceto Guterres kongratula ba eleitu Prezidente Parlamentu Nasional Maria Fernanda Lay tanba feto primeiru lidera Parlamentu Nasionál.
Prezidente PN Sesante antes fó sai rezultadu votasaun Prezidente Parlamentu Nasional informa, Meza nia obrigasaun oinsá atu anunsia rezultadu eleisaun Prezidente Parlamentu Nasioanal ho Total boletín votus hamutuk 65 iha urna laran.
Nia deklara, Rezultadu Votasaun votus afavór 45, kontra 0, Abtensaun 19 no mós votu branku 1, deputadu ne’ebé eskrutina kontajen dé votu maka Deputadu Mariano Assanami Sabino Husi Bankada Partidu Demokratiku (PD) no mós Deputadu Dario Madeira husi partidu FRETILIN.
Husi rezultadu ne’e deputada Maria Fernada Lay maka sai eleitu ba Prezidente Parlamentu Nasional VI lejislatura, Primeira Mulher Timorense Eleita nu’udar Prezidente Parlamentu Nasional Titular de órgaun soberania.
“Tanba ne’e, ha’u-nia parabéns ba prezidente PN foun Distinta Deputada Maria Fernada Lay, parabéns Feto Timor no mós parabéns ba povu Timor-Leste tomak, atu hatete mós ha’u-nia knaar dirije meza remata ona iha ne’e,” dehan Eis PPN Aniceto Guterres hafoin fó sai rezultadu iha Parlamentu Nasional, kinta 22/06/2023.
Eis Prezidente PN esplika, ajenda Parlamentu Nasional tuir mai sei dirije husi Prezidente Parlamentu foun Maria Fernanda Lay iha meza Parlamentu to’o konklui ajenda plenária ohin loron nian no ba oin.
Hafoin fó sai rezultadu eleisaun, Prezidente Parlamentu Nasional sesante simbolikamente entrega kedas ajenda kontinuasaun hodi halo tranferensia Meza parlamentu ba Eleita Prezidente Parlamentu Nasional Maria Fernanda Lay.
Jornalista : Ekipa MediaMudansa
Editór : Orlando Magno
