(Dili) Mudansa – Ekipa Komunidade Negosiante Progresivu (KNP) hala’o limpeza Geral iha Areadoris Terminal Merkadu Taibesi tanba hatene an nu’udar Negosiante la’ós de’it fa’an sasán maibé tenke kontribui ba ambiente saudavel atu sidade sai furak iha mundu nia matan.
Objetivu husi limpeza Jeral ne’e tanba antes ne’e Ekipa komunidade Negosiante Progresivu (KNP) komprimidu katak ambiente tenke saudavel no saúde di’ak ba komunidade sira iha Areadoris Terminal Merkadu Taibesi hodi fa’an sasán ho seguru
Limpeza ne’e inisiativa mai husi ekipa ne’e rasik Negosiante na’in 12 ne’ebé kompostu husi mane na’in 10 no feto na’i Rua (2)
Grupu ne’e hahú eziste tanba ho hanoin ida katak merkadu ne’e sira nian no ambiente ne’e la du’un saudavel hodi la fó saúde di’ak ba Negosiante no Komunidade sira iha área merkadu Taibesi.
“Ami ko’alia ba malu ita labele hatene atu fa’an sasán de’it, maibé ita mós iha hanoin oinsá atu kontribui netik ba fatin ne’ebé ita halo negósiu nune’e bele fa’an iha ambiente mós no saudavel”,Dehan Organizador (KNP) ba Jornalista Mundansa iha areadores Terminal Merkadu Taibesi.
Nia haktuir Merkadu Taibesi hanesan Negosiante sira nia hela fatin no mos sira nia Moris fatin, ne’ebé mak durante ne’e sira hela ba, no fatin ne’e mak fo kondisaun moris nian ba Negosiante sira, tanba ne’e presiza halo kontribuisaun ba fatin ne’e.
“Ami mós iha hanoin dala ruma ema boot sira mós labele mai Sosa ita-nia produtu liuliu ema Estrangeiru sira mós labele mai ita-nia Merkadu tanba ne’e maizumenus ambiente ne’ebé di’ak para fó espasu ba ema kompradores sira mai sosa ita-nia sasán ne’e ho saudavel no sira mós hanoin katak sasán ne’e nutritivu no fó saúde di’ak ba ita hotu,”Tenik nia
Iha fatin hanesan Jero De Fatima hatutan, Loron Sexta hanesan loron importante ba ema hotu atu kontribui netik ba ambiente ne’ebé mós no saudavel, tuir konstituisaun artigu 61 hakerek no ko’alia Kona ba ambiente mós no saudavel nabilan ba ema hotu.
Sira mós koopera ho parte seguransa, tanba sira labele hakat liu husi Seguransa sira nia podér entaun presiaz hetan autorizasaun husi parte seguransa hodi halo limpeza jerál kada Loron Sexta bele halo limpeza Jeral iha área Merkadu Taibesi ne’e, material neebe sira uza maka hanesan kanuru, Garfu, Aisar, no fatin lixu laiha mak sai difikuldade ba sira hodi halo limpeza
“Iha hariis fatin ne’e mós bee laiha ne’e la’ós kulpa husi Jestor la iha kapasidade, maibé orsamentu ba sira mak laiha agora ita tau tia Jestor iha ne’ebá maibé problema orsamentu la iha ne’e mós impaktu ida hotu tanba ne’e mak governasaun ne’ebé mak mai presiza hasai Orsamentu Geral estadu ba intensaun públiku ne’e pelumenus 5% ba leten, hodi nune’e bele hare no tau matan ba ambiente,”Katak nia
Enkuantu iha parte seluk Xefi Departamentu Jestaun Merkadu Gaspar da Silva hateten, relasiona ho atividade limpeza jerál ne’e sira iha programa antes hanesan responsabilidade ida ne’e presiza halo planu Oinsa hodi bele hamoos merkadu ne’e atu nune’e ambiente saudavel no bele atrai vendedór(a) Sira ne’ebé tama sai sosa sasán ho seguru.
“Ita hadomi ita-nia rain, hadomi mós ita-nia ambiente nune’e fatin ne’e bele mós no saudavel,”Dehan nia
Hatán ba Komunidade ka Negosiante nia preokupasaun kona ba materiál ne’e mós fallansu ida tanba nia haksumik kargu hanesan Xefi Departamentu ne’e,la iha buat hosi sosa
“Ita hare katak orsamentu atu koloka mai iha ne’e mós laiha, agora diresaun mak iha kompeténsia hotu, entaun kada departamentu ne’e dala ruma ha’u identifika problema ami nian sira ne’e, ha’u hato’o pedidu ba mós ladún responde kona ba ida ne’e,”
Nia akresenta atu servisu di’ak liu karik iha Governu foun mai presiza tau matan ba sira nia departamentu ne’e ba futuru ne’e tanba sira presiza mós planu orsamentu ketak atu nune’e bele sosa ekipamentus hodi responde ba Komunidade sira nia situasaun no preokupasaun
Estajiadu : Zemidonio Martins
Editór : Orlando Magno
