(Dili) Mudansa – Vice-Prezidente Komisaun Nasional Eleisoens (CNE – sigla Portugéz) Domingos Barreto informa, CNE hahú halo apuramentu Nasional iha Loron 24 fulan Maiu tinan 2023 hodi prosedur akta Apuramentu Munisipal no RAEOA.
Akta sentru votasaun hamutuk 1,472 inklui sentru votasaun 12 iha diaspora falta akta husi Reinu Unidu, Irlanda do Norte no Portugal Votu ho Reklamadu ne’ebé iha Hamutuk 515.
Husi Aileu hamutuk Votu Reklamasaun 8 ne’ebé 4 nafatin sai Nulu no 4 sai válidu atribui ba Partidu CNRT,Hosi Ainaro nian Votu Reklamadiu 5 sai válidu 5 no Atribui ba Partidu CNR, Hosi Atauro Votu Reklamadu 1 no sai válidu atribui ba CNRT.
Husi Bobanaro Votu Reklamadu iha 43, Sai Nulu 6 Branco 3 no Validu 34, Atribui ba PD 3, KHUNTO 2, FRETILIN 5 no CNRT 24 ne’e Hosi Covlima votu Reklamadu 9, Sai Nulu 2 no Validu 7, Atribui ba PD 1,FRETILIN 2 no CNRT 4.
“CNE kontinua halo balansu ba apuramentu Nasional oras ne’e la’o daudauk hodi halo validasaun ba votus Reklamadu hamutuk 515 no partidu CNRT hetan tan votus 38,” Dehan Vice-Prezidente CNE Domingo Barreto ba jornalista liu husi Komferensia Imprensa iha Salaun sentru Midia CNE Kolmera kinta, 25/05/2023.
Vise prezidente ne’e esplika, hosi Baucau iha mós Deskripansia numerika iha Buletin Votu 3 mak sai nu’udar votu abandonadu, tanba Eleitor ne’ebé vota la tau Buletin ne’ebé nia vota ba Urna laran, durante loron dahuluk realiza apuramentu Nasional.
Husi CNE simu mós Keixa no Reklamasaun hamutuk 2 ne’ebé indísiu ba iha Elisitu eleitorál nian tuir mai keixa hirak ne’ebé CNE simu kazu ne’e mak hanesan Elia da Costa Babo, hamutuk ho reprezentante Partidu CNRT no PVT kona-ba partisipasaun Minoridade iha votasaun ne’ebé konfirma katak mosu prátika ne’ebé iha kategoria krime eleitorál.
Minoridade refere atinji idade nu’udar eleitór, tanba nia data moris iha fulan Agostu no novembru tinan 2006, Prosesu hotu sei enkamiña ba Ministeriu Públiku atu bele halo avaliasaun ba eleitór Minoridade ne’e no Ofisial Eleitoral responsavel iha Sentru Votasaun Aldeia Sordoliu Lourba Bobobnaro.
Tanba ne’e, CNE mós simu reklamasaun hosi sidadaun ho naran Duarte Maia hamutuk ho reprezentante partidus polítiku CNRT no PVT nian iha sentru Votasaun EP Mazop Suku Ai-Assa Bobonaro, kona-ba Fiskais na’in rua ne’ebé uza de’it kartaun Kredensial ida hodi asesu ba Sentru Votasaun, tanba kazu ne’e Administrativu CNE hato’o ona resposta.
“Kazu ida ne’ebé ita hotu iha eleitór ida ne’ebé vota dala rua nia hanesan fiskais husi partidu Khunto nian ba vota tiha iha sentru ida depois ba vota fali iha sentru seluk dadaun ne’e prosesu ba kazu refere iha ona Ministeriu Publiku no Apuramentu ne’e sei la’o durante oras 72 nia laran ohin tama ona ba Loron daruak,” Nia hakotu.
Jornlaista : Delfina Borges
Editor : Orlando Magno
