(Dili) Mudansa – Sergio Brites nu’udar joven ida ne’ebé envolve an iha moda Fatshion Show hetan terseiru lugár iha kompetisaun moda ne’ebé organiza husi Ministeriu Turismu Komersiu no Industria iha Bekora Dili.
Sergio Brites hanesan joven ida ne’ebé durante ne’e envolve an iha mundu entertamentu hahú iha tinan 2021 nia haktuir antes nia seidauk tama iha ajénsia surik Timor nia mós envolve an iha organizasaun barak ne’ebé mentaliza Juventude nia talentu no promove foin sa’e sira.
“Hau sente kontente maski hetan de’it terseiru lugár tanba Antes ha’u tama iha model ajénsia surik Timor, ha’u inklina an iha grupu balun ne’ebé halibur foin-sa’e sira iha talentu oioin hanesan múzika, master of ceremony (MC), dansa tradisionál, model no mós seluk tan,” dehan Sergio Brites ba Jornalista Media mudansa iha Becora Dili, Quinta, 25/06/2023.
Nia haktuir, antes atu ba tama iha model nia hetan informasaun husi kolega sira no mós prienxe formuláriu ne’ebé ajénsia fó sai, no hetan korajen husi model seniór sira ikus nia konsege pasa iha kompetisaun.
“Hau hetan informasaun husi kolega balun ne’ebé konvida atu prienxe formuláriu ikus ha’u liu duni iha ajénsia surik Timor, maski seidauk iha vontade maibé hetan motivasaun barak husi modelista seniór sira, oinsá la bele hamate ita-nia mentalidade”katak nia.
Nia relata, dezafiu ne’ebé nia hetan iha Moda maka bainhira ba aprezenta iha palku, kona-ba jestu sira ne’ebé hatudu tanba dala barak jestu ne’e mak sai hanesan dezafiu ba nia.
“Difikuldade ne’ebé ha’u hasoru liuliu iha modelu ne’e maka iha palku bainhira performans ne’e oinsá ita-nia gaia la’o sira ne’e tanba barak mak la’o la mentál dala ruma ita la’o mós soke sala ema, no mós dezafiu seluk”Tenik nia
Nia akresenta, esperansa ba oin hakarak habelar liu talentu iha model tanba agora nia hakarak mantein de’it iha moda maski husi inísiu ia la iha mehi atu sai Moda.
“Hau nia esperansa ba futuru maka ba oin ha’u hakarak dezenvolve liu tan ha’u-nia talentu iha modelu nian, tanba ita la hatene ba futuru atu sai saida, entaun tenke dezenvolve ha’u-nia talentu ida ne’e maski ema seluk ko’alia aat ita maibé labele lakon vontade, tanba ema ida-idak responsavel ba nia moris,” Nia hakotu.
Estajiada : Remigia Locateli
Editór : Orlando Magno
