(Dili) Mudansa – Ministeriu Edukasaun Juventude no Desportu (MEJD) Armindo Maia hateten, MEJD hala’o reuniaun dahuluk ho Asaun Konjuntu Edukasaun Timor-Leste (ACETL) halo diskusaun kona ba kontinua implementa programa 5 VIII governu Konstituisional ba tinan 2020-2023.
“implementasaun programa Infraestrutura Edukativas, dezenvolvimentu kurríkulu ho rekursu ba alunus no profesór sira, hadi’a kualidade profesór liu husi formasaun, hadi’a Jestaun Eskolar no mós Asegura Inkluzivilidade.” Dehan Ministru MEJD Armindo Maia ba jornalista iha City8 manleuana Dili Tersa, (28/02/2023).
Armindo relata, Governu kontinua investe ba infraestrutura edukativa reforma kurikulu kontinua kapasitasaun formasaun ba professor no dirijente eskola sira, ba iha programa bolsu estudu, bolsu de Meritu, programa eskola iha uma, hadia programa alimitasaun eskolar kondisaun eskola.
“Lei ezekusaun Orsamentu Jeral Estadu (OJE) tinan 2023 hatuun ona kona ba dezentralizasaun ezekusaun alokamentu ba Instituisaun Estadu sira nian la’os ba hotu-hotu , maibé iha serkade 10 Instituisaun Estadu inklui MEJD,” Nia subliña.
Nia relata, husu nafatin apoiu malu liu husi hadi’a aliñamentu atividade husi parseiru prioridade governu nian no asegura aprosimasaun kordenadu, ba implementasaun no reuniaun ACETL dahuluk ida ne’e sei promove diagnostivu.
“Hau fiar katak reuniaun ida ne’e sei promove transparénsia fiar no responsabilizasaun komum jestaun rezultadu sira ba iha setór Edukasaun.” Nia hateten.
Governante ne’e salienta, Orsamentu tinan kotuk $.45.000.00 no tinan ida ne’e sa’e ba $.800.000.00 orsamentu ne’e ba iha Edukasaun Inkluziva no iha tinan ne’e mós MRJD sei implementa atividade liga ho Lei opções de planu.
“Ensinu pre-eskolár ne’ebé ita aloka Orsamentu ho montante $.14.2 billões maka Aloka ba iha área ne’ebá.” nia informa.
Nia akresenta, iha tinan 2023 MEJD tau prioridade aas ba programa Edukasaun no formasaun programa ne’ebé hetan fatin boot tebes kuaze 88.5% husi sentu vinte i dois pontu dois milloens Orsamentu Jeral Estadu (OJE) 2020-2023 ne’ebé aloka ba MEJD.
Iha sorin seluk Prezidente United Nations Children’s Fund (UNICEF) no Co-Chair Asaun Konjunta Edukasaun Timor-Leste (ACETL) Bilal Durrani hato’o sentimentu Agradese ba governu tanba aumentu finansiamentu ba edukasaun preprimária iha rotasaun orsamentu reajente, hodi trasa estratéjia no servisu hamutuk atu aselera progresu ho asesu ba edukasaun ho kualidade.
Jornalista : Delfina Borges
Editór. : Orlando Magno
