(Dili) Mudansa – Moris husi família simples la hatene foti an ka arrogánsia maibé hatene de’it esforsu an oinsá atu moris naruk hodi duni mehi ne’ebé na’i maromak hatuur ona atu ema moris la’o tuir.
hakna’ok minutu no oras balun hodi hakat sai husi odamatan leba sigarru ho pulsa sa’e bisikleta hodi hale’u sidade Dili tan atu hetan sentavus 1 iha loron ida atu rai hamutuk hodi sosa hahán uma laran no selu kursu.
Moris lakohi atu sai dependente liu ba ema tanba hakarak atu koko la’o mesak tan ne’e hamriik funu hasoru dezafiu hotu ne’ebé mosu iha oin no labele ta’uk monu no falla bainhira sei forsa atu hamriik hodi luta nafatin ba moris ne’e to’o nia rohan.
Asuntu iha leten prefere ba Negosiante Fransisco Barbosa nia realidade moris tan nia hala’o negósiu Ida ne’e atu hare fali ba iha ninia kursu, Tamba la iha Ema Ida atu suporta nia, oh loos iha família balu suporta maibé la’ós beibeik.
“Hau rasik ho inisiativa no hakarak atu suporta ha’u-nia estudu kursus lian korreia tanba ne’e ha’u hakarak fa’an pulsa, sigarru no maskra atu bele hafasil ha’u hodi hare ba ha’u nia nesesidade tuir moris nian,” dehan Barbosa ba média mudansa iha areadores Palasiu Governu Dili, tersa 28/02/2023.
Nia haktuir, hahú halo negósiu fa’an sigarru, pulsa, maskra, iha sidade Dili iha fulan maiu,tinan kotuk (2022) to’o ohin loron hahú ho osan montante $120.00.
Husi osan ne’e nia sosa tabaku Surya slop ida $.21,50 no fa’an fali falun (masu) ida $.2.75, tabaku Esse $.28, fa’an fali masu ida $.3.00, sigarru L.A slop $.22,50, fa’an fali masu $2.25, no mós sigarru Marlboro sosa slop ida $.27 ne’e ha’u fa’an fali masu ida $3.25 inklui maskra pak ida sentavu 50 fa’an fali ida 25 sentavu.
“Maski negósiu ne’e ki’ik no simples, maibé bele responde ha’u-nia presiza, tanba osan ne’ebé ha’u hetan husi ha’u-nia negósiu ne’e uza ba ha’u-nia nesesidade loroloron no mós selu ha’u-nia kursus inklui selu bemo no hare fali ba alin sira nia estudu iha Turiskai Manufahi,” nia afirma
Barbosa argumenta, nia parte sente apresia ho atividade negosiu ida ne’e, maski ki’ik maibé bele responde sá mak nia presiza tanba ne’e nia rekomenda ba timor oan ne’ebé seidauk hetan servisu la bele moe atu halo atividade negósiu maski ki’ik maibé ninia benefísiu boot.
“Hau nia maluk juventude sira favór hakribi ona hahalok krime, maibé labele moe halo buat ne’ebé mak di’ak ba ita-nia moris no di’ak ba ita-nia futuru, no labele sai dependente liu ba inan aman sira maibé ita presiza koko ita-nia an la’o mesak atu hasoru situasaun saida de’it,” Barbosa Rekomenda.
Estajiadu : Zemidonio Martins
Editór : Orlando Magno
