(Dili) Mudansa – Ministru Edukasaun Juventude Desportu Armindo Maia informa, (MEJD) ohin partisipa reuniaun koordenasaun ne’ebé realiza husi Vice Primeira Ministra (VPM) nu’udar kordenador ba asuntu sosiais (KAS) mai relata kona atinjimentu MEJD fulan 3 ikus, husi outubru to’o dezembru 2022.
nia haktuir, Atinjimetu importante 5, dezafius saida mak hasoru no rekomendasaun atu nune’e tama mai iha tinan 2023 ne’e bele la’o ho di’ak, tanba MEJD, ko’alia liu kona-ba edukasaun nia atinjimentu prinsipál iha 5.
“1. ezame nasionál, 2. ita konsege finaliza eskola 94 inaugura iha fulan janeiru tinan ne’e, 3. preparasaun ba atribuisaun bolsa méritu, 4. finaliza distribuisaun 20 míl mezas no kadeira, no mós ikus liu kona ba formasaun ba profesór/á konsege gradua 2000 resin no baxarelatu kuaze 4000 ne’ebé halo formasaun intensiva língua portugeza, ida ne’e mak atinjimentu ikus iha fulan outubru to’o dezembru tinan 2022.” dehan MEJD Armindo Maia, ba jornalista iha MSSI Kaikoli Dili, kinta, 09/02/2023.
Armindo afirma, dezafius balu kona ba infraestrutura edukativas, no prosesu la’o kleur tanba husi Agensia Dezenvolvimentu Nasional (ADN), sira presiza verifika hotu atraza prosesu konstrusaun no reabilitasaun, ida fali maka kona ba kestaun distribuisaun bolsa méritu.
“Informasaun ne’ebé ita hatuun ba kraik to’o ikus interpretasaun ho leitura mosu konfuzaun ida ne’e primeira vés ita aprende husi esperiénsia ida ne’e ba tinan oin mai bele halo diak liu, tanba ne’e, dezafius seluk enfrenta mak falta liña koordenasaun ho ministeriais,” nia deklara.
Ministru Armindo rekomenda, husu nafatin atu aloka orsamentu ba MEJD, tanba nesesidade boot husi infraestrutura ba to’o iha mobiliar no sira seluk, tan ne’e husu liña ministeriais prosesu birokratiku kona ba infraestrutura bele hadi’a di’ak liu tan.
Jornalista : Delfina Borges
Editór : Orlando Magno
