(Dili) Mudansa – Ministro Turismo Comersio Indústria (MTCI), liu husi Gabinete Diresaun Geral Turismo (GDGT) ohin hala’o enkontru jerál iha Salão vice MTCI Farol, Hodi ko’alia kona-ba eventu fenómena eklipse solar ne’ebé sei akontese iha dia 20 abríl tinan ida ne’e.
Tuir planu Eventu ne’e, governu sei realiza iha Vikeke Beasu, Com, no Jako tanba turista sira barak mak mai Hare’e ,maski otél iha Beasu la iha kondisoes ne’ebé di’ak maibé komunidade sira bele fó asisténsia atu bele harii kempin ou tenda nune’e bele halo atendimentus ba turistas sira.
“Objektivu husi enkontru ida ne’e, ekipa tékniku halo ona preparasaun ida hodi realiza eventu fenómena natureza iha munisípiu Vikeke Beasu, no mós Lautem Jako, ne’ebé sei akontese iha loron 20 fulan abríl tinan 2023 iha Timor-Leste maibé orsamentu ne’ebé atu realiza eventu ne’e sei hein husi ita-nia governu,” dehan Asesor Manuel Vom ba jornalista iha Salão MTCI Farol Dili, kinta 09/02/2023.
Manuel haktuir, Governu servisu hamutuk ho tékniku, setór privadu, komunidade, autoridade lokál, Kamara Komersiu Indústria, Autoridades Turistikus no mós seguransa agora preparadu ona atu simu bainaka, sientista, no doadores sira iha eventu fenómena natureza ida ne’e.
“Agora hein desizaun husi Primeiru Ministru, no mós kria kondisoens depende ba númeru husi turista sira ne’ebé atu mai vizita fatin turizmu tanba ne’e ita hamutuk esforsu halo preparasaun ida atu simu duni turista ou ita-nia bainaka hirak ne’ebé atu mai iha Timor-Leste,” Asesor ne’e deklara.
Nia akresenta, tuir sientista sira nia rezultadu peskiza katak akontesimentu ne’e akontese tinan 145 mak foin akontese dala ida tanba ne’e , Timor Leste bele sente eventu ida ne’e kada vés akontese iha nivel mundiál portantu preparativus ne’ebé MTCI presiza halo.
Tuir dadus ne’ebé daudaun ne’e ekipa tékniku bokin ona mak husi nasaun lima mak hanesan, Estadu Unidus Amerika (EUA), Rusia, Espanha, Itália, barak liu husi nasaun Austrália no mós ekipa sientista husi Institutu Teknologia Bambú (IPB) Indonésia sei mai hodi servisu.
Jornalista : Domingas Viana
Editór : Orlando Magno