(Dili) Mudansa – Estudante Universidade Dili (UNDIL) Husi Fakuldade Siensia Politika Departamentu Relasaun Intenasional ho voluntáriu realiza limpeza jerál husi Jardim 5 de maiu ba to’o Largo Lecidere, ho objetivu hakarak ambiente sidade Dili mós no saudavel.
“Ami Hala’o atividade tanba momentu ne’ebá Ami konsentra Hamutuk iha Fatin públiku liuliu iha ita-nia Jardin sira ne’e fo’er ka lixu barak entaun atrai Ami atu hamoos ho voluntariamente tanba ita presiza ambiente ne’ebé mós no saudavel,” dehan Team Program Leticia Ximenes Belo ba média Mudansa Iha Jardin 5 de Maiu Dili, kinta, 02/02/2023.
Feto raan ne’e afirma, Objetivo prinsipál harii grupu Ida ne’e hare Liu ba parte Rua tanba sira misaun no Vizaun rasik ne’ebé atu fanu fali Joven Sira seluk Oinsa atu tau atensaun no prezerva di’ak Liu Tan ba ambiente liuliu hanoin Mos Ema Sira ne’ebé Mak fó an no kontribui ba ambiente Sira.
“Programa Ida ohin ne’e Ami Nia programa prinsipál, no mós loron dahuluk ba Ami atu Lansa Ami Nia Gropu ne’e Liu Husiatividade limpeza jerál Ida ne’e mak ami hakarak komesa uluk,” Leticia esplika.
Estudante UNDIL Litecia haktuir, antes ne’e sira hanoin ona hakarak komesa uluk atividade limpeza iha Jardin 5 de Maiu kontinua Marsa ba Largo atu bele hare Liu ba ambiente ne’ebé la mós iha públiku nia matan.
“Ita hotu hatene grupu ativista barak Mak envolve Aan iha Gropo ne’ebé Mak la du’un tau matan ou tau importánsia ba ambiente sira, espera katak ami nia prezensa bele fanu Joven sira sira seluk hadomi Liu Tan ambiente ne’ebé iha Cidade Dili Kapital Timor-Leste,” Leticia Subliña.
Nia rekomenda, husu ba maluk foin-sa’e sira ne’ebé namkari iha Rai Ida ne’e, tempu to’o ona atu kontribuisaun ba Paz no Estabilidade no la tempu ona atu kria konflitu ho ida ne’e mai hamutuk luta no kontribui ba nasaun Timor Leste.
Ekipa ne’e, Hamutuk ema na’in 15 kompostu Husi Mane na’in 2 no feto na’in 13, espera katak atividade limpeza ne’e sei iha nia kontinuasaun tanba hakarak moris iha ambiente mós no saudavel halo sidade sai Bonita iha ema seluk nia matan.
Estajiadu : Zemidonio Martins
Editór : Orlando Magno
