(Dili) Mudansa – Ministru Prezidensia Konsellu Ministru (KM), Fidelis Manuel Leite Magalhães lansa relatóriu Voluntariu Nasional ho tema “Ema Nudar Sentro ba Objetivu Dezemvolvemento ba Sustentavel no konsulta nasionál ho parte universál sira kona-ba Revizaun voluntáriu nasionál (RVN).
Fidelis haktuir, Ida ne’e hanesan pasu importante ida, tanba ne’e kontinuasaun husi primeira aprezentasaun ne’ebé Timor-Leste halo iha tinan 2019, agora 2023 revista ba iha aprezentasaun iha fulan Jullu ba Timor-Leste ninia RVN daruak.
“Prosesu RVN ninian importante tebes, partisipa setór hotu-hotu, sosiedade nian atu nune’e ita bele halo hanesan reflesaun ne’ebé kle’an ho lolos kona-ba ita-nia andamentu sira durante ne’e Iha ita-nia esforsu atu atinji objetivu dezenvolvimentu sustentavel,” dehan Ministru KM ba Jornalista iha Palasio do Governu 03/02/2023.
Nia afirma, ba RVN daruak ida ne’e governu halo lansamentu konstrusaun, sei kontinua tan ho konstrusaun iha Munisípiu sira ho setores kámaras sira hotu ba sosiedade nian, atu nune’e bele reflete duni Timor-Leste ninia progresu sira no dezafiu sira atu atinji objetivu dezenvolvimentu sustentavel tuir data no tinan períodu merkadu 2030.
Fidelis haktuir, RVN daruak ne’esei uja hanesan fundamentu rezultadu sira husi RVN dahuluk nian iha 2019, hanesan rekoñesimentu husi parte Nasoens Unidas nian ne’ebé estende tan konvite ba Timor-Leste atu bele aprezentasaun iha fulan Jull.
“Pais sira ne’ebé konsidera hanesan pais ne’ebé mak esforsu ba servisu tomak atu halo revizaun altu revizaun ba esforsu no lala’ok sira hodi atinji Objetivu dezenvolvimentu sustentavel (ODS), no Pais hira ne’ebé komprimidu atu bele garantia kontinuidade iha esforsu nasionál ODS ne’e,” Katak Nia.
Entaun Hirak ne’e mak Ohin governu aprezenta ho prezensa ONU nian ho korpus diplomátiku sira no ita-nia reprezentante sosiedade sivíl, setór privadu, akadémiku, no relijiozu sira. Hirak ne’e hotu hatudu katak, ita iha dalan ne’ebé mak di’ak ba ita iha prosesu ne’ebé di’ak hodi bele prodús RVN ne’ebé mak di’ak.
“Nune’e Mos Ministru Konsellu (MK) Feselis Magalhaes mensiona “Timor-Leste aprezenta ona ninia RVN dahuluk iha tinan 2019, iha Novaiorke. Ida ne’e ajuda ita atu komprende, iha ne’ebé ita iha tempu ne’ebé hanesan ho progresu sira husi ODS,” nia relata.
Entretantu Governu iha parseria ho sosiedade sivíl, akadémiku no setór privadu tenke uza relatóriu ne’e nia konkluzaun hodi identifika kualkér reajustamentu polítika no identifika mekanizmu institusionál no parseria ne’ebé apropriadu hodi implementa ODS iha nasaun ne’e.
Estajiadu MD : Zemidonio Martins
Editór : Orlando Magno
