(Jakarta) Mudansa – Subsidiária husi PT Telkom Indonesia Internasional, hanesan Telekomunikasaun Indonesia Internasional (Timor-Leste), S.A ou Telkomcel, halo akordu kooperasaun ho Institutu Edtekh Cakap oinsá atu kapasita Timoroan sira nia abilidade.
Telkomcel nu’udar operadór telekomunikasaun boot iha Timor-Leste nu’udar parseiru hodi halo kolaborasaun atu fornese servisu husi Cakap no Telkomcel iha territóriu Timor-Leste.
CEO Telkomcel, Benedictos Ardiyanto Priyo informa, servisu hamutuk ne’e estabelese tanba iha vizaun no misaun komún ne’ebé hanesan ho Cakap hodi responde ba dezafiu, liuliu atu hadi’a kualidade rekursu umanu.
Telkomcel presiza hola parte hodi hasa’e literasia lian nian, tantu iha internál empreza , parseiru emprezariál sira no komunidade Timor-Leste tomak.
“Ami labele responde mesak de’it ba dezafiu sira ne’ebé iha, hodi mellora abilidade no mós solusaun ba problema emprezariál to’o iha nivel konsumidór, maibé Ami kontente tanba bele halo kolaborasaun hamutuk, hodi kontinua ba oin,” dehan Ardiyanto liu husi konferénsia imprensa.
CEO Telkomcel Ardi relata, estratéjia kooperasaun ne’e bele sai solusaun ba problema oin-oin hodi responde ba dezafiu dezenvolvimentu sustentavel rekursu umanu.
“Telkomcel apresia tebes ho servisu hamutuk ida ne’e, espera katak bele sai milestone ba ita-nia nasaun avansadu Timor-Leste liu husi Plataforma Dijital,” Ardi akresenta.
Nia konta, Telkomcel hala’o servisu Durante tinan 10 iha Timor-Leste, kontinua hala’o esforsu hodi kontribui ba dezenvolvimentu nasaun liu husi kapasitasaun internál no esterna maka hanesan bolsa estudu Diploma Bacahrelado, (S1) ne’ebé simu ona husi joven timoroan hamutuk 14 no mós Maestrado (S2) ba funsionáriu sira ne’ebé simu ona husi talentu lokál na’in 5.
Aleinde ne’e, kapasita mós liu husi sertifikadu no formasaun tantu iha nasionál no internasionál, parte ida maka sertifikasaun Project Management Professional (PMP) nian ne’ebé atinji ona ho susesu husi funsionáriu ida, hanesan ba foin-sa’e timoroan dahuluk ne’ebé hetan sertifikadu PMP.
“Kapasidade treinamentu ida ne’e mós kontinua fahe ba esterna liu husi servisu formasaun, hanesan treinamentu ba IT ba PNTL no treinamentu Servisu Atende Kliente ba Ministeriu Finansa (MF). Telkomcel iha portfoliu negósiu oin-oin iha inisiativa atu habelar no sustenta liu husi dijitalizasaun no inisiativa foun negósiu nian,” Ardi deklara.
Iha fatin hanesan, CEO & Co-Fundadór Cakap Tomy Yunus afirma, kooperasaun ne’e hanesan misaun Cakap nia hanesan “Elevate People’s Lives, la’ós de’it iha Indonesia maibé mós iha nasaun hotu-hotu.
“Tanba ne’e,Cakap sei fornese programa no lian Portugés ba klase lian estranjeiru, enkuantu abilidade seluk maka literasia finanseiru, estratéjia komersiál dijitál (dijitál marketing strategy) to’o atendimentu kliente (customer service),” Tomy deklara.
Tomy mós hato’o ninia optimista katak, Cakap hanesan plataforma Upskilling ne’ebé bele kontribui ba dezenvolvimentu rekursu umanu Timor-leste liuliu iha lian no mós abilidade servisu nian.
“Ida ne’e hanesan pasu dahuluk ba espansaun estranjeiru iha tinan 2023. Cakap esforsu sei hamosu kontein relevante tuir nesesidade merkadu Timor-Leste nian, Espera ida ne’e hanesan pasu dahuluk husi kooperasaun di’ak entre Cakap nu’udar Kompania Edukasaun Indonesia ho Telkomcel Timor-Leste,” Tomy deklara.
Co – Fundadór ne’e salienta, daudaun ne’e programa ne’ebé sei atende husi mestre/espesialista sira husi Cakap ne’ebé kobre abilidade língua estranjeiru no abilidade tékniku, maibé la taka dalan ba se de’it bainhira programa ne’e sei realiza.
“Cakap mak plataforma upskilling nian ne’ebé fó treinamentu kona ba lian estranjeiru no estranjeiru hasa’e sira nia abilidade online. Nu’udar plataforma aprendizajen komunikasaun diresional, kooperasaun ida ne’e hein katak bele sai hanesan solusaun hodi fó vantajen edukasaun igualidade no kualidade ba ema hotu,” Tomy argumenta.
Nia introdús, Cakap hanesan kompañia teknolojia edukasional ida ne’ebé boot liu iha Indonesia ne’ebé mak liga estudante sira ho mestre profisionál no peritu indústria liu husi vídeo no diskusaun testu.
Plataforma edukasaun Cakap fornese interasaun aprendizajen ba orientasaun rua kona-ba aprende abilidade foun sira iha nasaun sira Ázia Pasífiku nian. Disponivel iha Google Play and App Store atu hetan segmentu utiliza oioin tanba Cakap fiar katak ema hotu-hotu iha direitu atu hetan edukasaun ho kualidade.
CAKAP fornese solusaun edukasionál hodi fornese esperiénsia aprendizajen di’ak liu iha online. (Siapa Cakap Dia Dapat).
Entretantu, Asina akordu kooperasaun ne’e realiza iha Instituto Cakap, Grogol Oeste Jakarta iha loron Kuarta, 25/01/2023, ne’ebé asina husi Fundadór Cakap CEO & CO, Tomy Yunus no Chief Executive Officer Telkomcel, Benedictus Ardiyanto Priyo, no mós partisipa husi Chefe Business Officer Cakap, Jonathan Mario Dharmasoeka, VP Finance Business Partner Telkomcel, Dedy Edward Ambarita, no Manager Procurement & Logistic Telkomcel, Friesca Amelia.
Jornalista : Ekipa Media Mudansa
Editór : Orlando Magno
