(Dili) Mudansa – Estudante Finalista Fakuldade Ciencia Sosias Humanas Universidade da Paz (UNPA) no mos Inan Aman hato’o agradesimentu ba Estrutura UNPAZ liu husi serimónia Judisium Ba dala Sanulu Resin Neen (XVI) ho tema Matenek Hodi Servi Povo No Nasaun Ho Karakter Fraternidade Umanas iha salaun UNPAZ Dili.
Reprezentante estudante Finalista CSH Universidade da Paz (UNPAZ) Marcos Siqueira informa, nia parte hato’o agradesimentu ba dosente Sira hotu ne’ebé durante ne’e esforsu no hodi halo finaliza Sira Nia estudu to ohin loron.
“Ita hotu agradese ba na’in Maromak tanba ohin Ita hotu bele hamutuk hodi Hala’o Judisium ba estudante na’in 188 Husi Fakuldade Ciensia Sosiais Humanas (CSH), kompostu husi Departamentu Tolu (3) mak hanesan, Relasaun Internasional, Estudu Desemvulvementu Estudu ba Paz,” dehan Estudante finalista Marcos liu husi nia diskursu iha serimónia Judisium Iha salaun UNPAZ, Kuarta, 13/12/2022.
Nia haktuir, sira hotu fó atensaun ba Tinan Tolu (3) kotuk, esperansa atu graduá hodi bele títulu lisensiatura ne’e kuaze la hetan, maibé esforsu estrutura tomak iha lideransa, magnefiku reitór UNPAZ ho estrutura tomak mehi sai ona realidade loron balun Tan Tama ba graduasaun.
Marcos relata, sira la bele selu só bele halo de’it orasaun no mós respeita aas Ciensia ne’ebé sira aprende husi estrutura UNPAZ tomak liuliu dosente sira ne’ebé nia la temi Ida ba Ida.
“Premeira vés iha Universidade da Paz, Hau neon nu’udar bidoon mamuk ne’ebé lori Mai tau iha ne’e, depois Tinan hirak Liu tiha dosente Sira ense ona bee iha bidoon Ida ne’e nakonu agora prontu atu uza,” nia afirma.
Iha fatin hanesan, reprezentante inan aman Finalista, Manuel Pinto hato’o Obrigado no Agradesimentu ba estrutura UNPAZ ne’ebé ho matenek no domin eduka sira Nia oan ohin to’o ona iha fase Judisium katak Sira finaliza ona Sira Nia estudu.
“Ohin atribui ona títulu akadémiku Ida ba Sira ho lisensiatura ba Ciensia Sosias Humanas tanba ne’e ha’u Nia agradesimentu no obrigadu ba Reitor ho Nia estrutura tomak, atu kontinua hanorin ami Nia oan sira liu husi universidade ida ne’e,” Manuel hatete.
nia esklarese, Hanesan inan aman hakarak hameno Hela buat Tolu (3) ba oan sira, matenek iha oin Tolu (3) matenek iha Ciencia ne’e Mak hanesan imi estuda Husi SD to’o ona iha Universidade no Hasai ona Linsensatura ne’e matenek iha Ciensia.
Prezidente Comisaun organizadór, Leonito Madeira Martins, aprezenta Relatorio Fakuldade Ciencia Sosiais Humana Tinan akadémika 2022,iha loron lima (5) Fulan Novembro Tinan 2022 nia parte halibur Dosente, Funsionarius no estudante Ativu lubuk Ida hodi envolve iha Comisaun.
“Judisium fakuldade siénsia Sosiais Humanas Tinan akadémika 2022 ne’e kompostu Husi estudante hanesan departamentu Relasaun Internasional, 122, Departamento Politika Dezemvolvemento, Hamutuk 46 Pesoas no Estudo da Paz Hamutuk 20 Pesoas,totál 188,Nia deklara.
Estajiadu : Zemidonio Martins
Editór : Orlando Magno