(Dili) Mudansa -Prezidente Interinu Konsellu Imprensa (KI), Francisco Belo Simões da Costa atribuisaun karteira profisionál ba jornalista na’in 18 kompostu husi feto 12 no Mane 6 ne’ebé mak Ohin konklui ona sira nia estájiu profisionalizmu durante fulan 12 nia laran.
Prezidente interinu Konsellu Imprensa Fransisco Belo Simões da Costa informa, jornalista ida atu hetan karteira profisionál husi KI tenke kumpre lei, Tamba karteira profisionál atu reforsa jornalista sira nia koñesimentu kle’an kona-ba servisu média.
“Ohin Konsellu Imprensa hala’o tan serimónia atribuisaun karteira profisionál ba jornalista sira hamutuk na’in 18 ne’ebé finaliza ona estájiu profisionál durante fulan 12 tuir lei komunikasaun sosiál artigu 14,”dehan Prezidente Interinu Konsellu Imprensa Fransisco Belo ba jornalista iha salaun Delta Nova, Kinta (22/12/2022).
Prezidente Interino Simõe Akresenta, Akreditasaun karteira profisionál ba jornalista sai hanesan atividade prinsipál ne’ebé lei komunikasaun sosiál fó ba KI, tanba karteira profisionál nu’udar baze legál ida ba jornalista sira hodi hala’o knaar iha instituisaun média.
Iha hanesan, Diretora Média ONE Timor), Suzana Cardoso hatete, atu hetan profisaun ba karteira profisionál, hanesan parte ida atu apoiu jornalista hala’o knaar iha terenu ho di’ak liu tan no bele tulun jornalista asesu ba fatin públiku bainhira lori kartaun profisionalizmu
“Atribuisaun karteira profisionál nu’udar rekoñesimentu baze legál ida hodi hatudu kapasidade jornalista ida ho responsabilidade morál no edukativu. Bainhira publika produtu jornalistiku ba públiku la hamosu dúvida husi konsumidór sira,” Suzana haktuir.
Reprezentante jornalista Roza Prega Dias Ximenes husi RTTL.Ep hato’o agradesimentu ba konsellu imprensa no formadór sira hotu ne’ebé durante ne’e forma ona jornalista sira atu sai responsabilidade bainhira hala’o knaar hanesan jornalista profisionál kaer metin prinsípiu jornalista.
“Agradese tebes ba konsellu imprensa no formadór sira ne’ebé durante ne’e suporta jornalista liu husi maneira ne’ebé ita boot sira iha no ajuda tebes ami oinsá forma ami sai jornalista ne’ebé iha responsabilidade bainhira hala’o ami nia knaar hanesan jornalista ida,” Rosa afirma.
Nia relata, Konselu Imprensa mós hanorin oinsá sai jornalista ne’ebé defende sidadaun nia direitu liuliu ba informasaun la’ós ida ne’e de’it maibé iha tan pontus balun ne’ebé akapta ,Atu sai jornalista profisionál tenke kombate diskriminasaun.
“Spai jornalista profisionál tenke kumpre nafatin lei komunikasaun sosiál no kode étika jornalizmu nia ne’ebé estabelese ona ka iha nanis tiha ona,” nia deklara.
Entretantu, Jornalsita sira ne’ebé ohin simu karteira profisionál mak hanesan, Herculano Gomes TVET, Domingas Soares, Maria Olinda Carvalho, Joaninha Belo Alves, Natalina Lopes, Efizenia da Costa, Donaciano Magalhães STL News, Sidonia Fernandes husi RCC, Madalena Alves, Arnaldo Afonso husi RCC Julia Maria Antoneta Siqueira, Domingos da Silva, Felisita Borges da Silva, Justino Simões no mós Rozita dé Carvalho husi GMN Roza prega dias Ximenes RTTL Jacinto no mós Paulo Fernandes Xavier husi média Independente
Jornalista : Domingas Viana
Editór : Orlando Magno
