(Dili), Mudansa – Sente trauma atu hamnasa bainhira haree kondisaun ro’o Haksolok iha imajen tanba ta’uk Ema balun sente an ba hamnasa ne’e.
Lia hirak ne’e hato’o husi Deputadu Bankada CNRT Ricardo Batista liu husi ninia intervensaun bainhira deputadu sira debate hela orsamentu jerál Estadu 2023 iha parlamentu Nasional Dili, Kuarta, 09/11/2023.
“Ita kuandu haree Ro Haksolok ne’e ha’u atu hamnasa maibé ta’uk balu sente an, tanba aspetu ida janela de’it mós susar no difisil uitoan, nune’e Ro ne’e atu atraka iha ita-nia rai Oekusi ho Ataúru ne’e difisil, ne’ebé Ro ne’e mai sei hamosu tan Problema,” dehan Deputadu Ricardo.
Deputadu Bankada CNRT Ricardo Batista Informa, Deputadu sira ko’alia kona-ba Ro Haksolok, nia parte husu atu hanoin hikas ninia liafuan ne’ebé hato’o ona iha momentu aprezenta programa VIII Governu nia iha Parlamentu.
“Iha momentu ne’ebá ha’u hatete hanesan ne’e, Ro ne’e to’o mandatu VIII governu ne’e hotu mós sei la mai, tanba informasaun ne’ebé mak ami rona katak, kontratu ne’ebé halo ba Ro muda ba beibeik, to’o fim, loos duni ohin ita-nia mandatu remata ne’e mak ita debate OJE 2023,” Ricardo haktuir.
Nia relata, ohin ema hotu rona iha fulan liu ba, semana liu ba hatete katak, Timor-Leste sosa ona Ro maibé realidade sosa estaleiru Vigeira de Voz, entaun Governu sé de’it atu rezolve ne’e susar, realidade ohin mandatu remata la iha rezultadu ba Ro haksolok.
“Ita sosa estaleiru Vigeira de Voz, ha’u la dehan la di’ak ou dehan di’ak, maibé ha’u hakarak haree ba tinan 5 Estaleiru ne’ebé mak bankorta tiha ona, ita sosa Estaleiru ne’e sai Besi-tua agora komesa book, tinan oin ita sei tau osan nafatin hodi halo manutensaun, ne’e ha’u sente sei problema nafatin,” Deputadu ne’e deklara.
Deputadu Bankada CNRT Ricardo Batista haktuir, maluk sira sempre hatete hanesan ne’e, sosa asoens Grite Sunrise besik fruzu ou tua, maibé Ricardo dehan iha fatin ne’e atu ema hotu-hotu hatene, Besi-tua loloos mak Estaleiru Vigeira de Voz, Estaleiru ne’e bankrota tiha no Besi-tua.
Jornalista : Ekipa MediaMudansa
Editór : Orlando Magno
